RSS मुख्यालय परिसरात ड्रोन उडवणे, फोटोग्राफी आणि व्हिडिओग्राफीवर बंदी, 'या' कारणामुळे घेतला निर्णय

Ban on flying drones, photography and videography in RSS headquarters area in Nagpur:

महाराष्ट्रातील नागपूर येथील राष्ट्रीय स्वयंसेवक संघाच्या मुख्यालयाभोवती 28 मार्चपर्यंत ड्रोन उडवण्यास बंदी घालण्यात आली आहे.

पोलिसांनी आरएसएस मुख्यालयाला 'नो ड्रोन' क्षेत्र म्हणून घोषित केले आहे. एवढेच नाही तर मुख्यालयातील फोटोग्राफी आणि व्हिडिओग्राफीवरही २८ मार्चपर्यंत बंदी घालण्यात आली आहे. आरएसएसचे मुख्यालय नागपूर शहरातील महाल परिसरात आहे.

नागपूरचे सह पोलीस आयुक्त अस्वती दोरजे यांनी जारी केलेल्या आदेशात म्हटले आहे की, RSS मुख्यालय हॉटेल, लॉज आणि कोचिंग क्लासने वेढलेल्या दाट लोकवस्तीच्या परिसरात आहे. यामुळे जवळून जाणारे लोक फोटो आणि व्हिडिओ काढण्याचा प्रयत्न करू शकतात. व्हिडिओग्राफीसाठी लोक ड्रोनचाही वापर करू शकतात, ज्यामुळे मुख्यालयाला धोका निर्माण होऊ शकतो. त्यामुळे परिसरात फोटो काढणे, व्हिडिओग्राफी किंवा ड्रोन फोटोग्राफी करण्यास बंदी घालण्यात आली आहे.

पोलिसांच्या म्हणण्यानुसार, आदेशाचे उल्लंघन करणाऱ्यांना भारतीय दंड संहितेच्या कलम 188 (लोकसेवकाने दिलेल्या आदेशाची अवज्ञा) अंतर्गत कारवाई केली जाईल. हा आदेश यावर्षी 29 जानेवारी ते 28 मार्च या कालावधीत लागू राहणार आहे.

पोलिसांनी जारी केलेल्या आदेशात म्हटले आहे की, आरएसएस मुख्यालय परिसरात ड्रोनमधून व्हिडिओ किंवा छायाचित्रे घेण्यास बंदी घालण्यात आली आहे. या आदेशाचे उल्लंघन करणाऱ्यांवर भारतीय दंड संहितेच्या कलम 188 नुसार कारवाई करण्यात येईल, असे पोलिसांनी म्हटले आहे. हा आदेश २९ जानेवारी ते २८ मार्च 2024 या कालावधीत लागू राहणार असल्याचे त्यांनी सांगितले.

राष्ट्रीय स्वयंसेवक संघाच्या (RSS) नागपुरातील मुख्यालयाला अनेक वेळा धमक्या आल्या आहेत. यापूर्वी डिसेंबर २०२२ मध्ये मुख्यालय उडवून देण्याची धमकी देण्यात आली होती. त्यानंतर अज्ञात व्यक्तीने फोन करून धमकी दिल्याचे पोलिसांनी सांगितले होते.

डीसीपी झोन ​​3 गोरख भामरे यांनी सांगितले की, दुपारी 1 वाजता पोलिस नियंत्रण कक्षात फोन आला होता. या व्यक्तीने महाल भागातील आरएसएसचे मुख्यालय बॉम्बने उडवून देण्याची धमकी दिली होती.