दिल्लीस्थित लेखिका गीतांजली श्री (Author Gitanjali Shree) यांच्या 'टॉम्ब ऑफ सँड' या कादंबरीला आंतरराष्ट्रीय बुकर पुरस्कार मिळाला आहे. 'टॉम्ब ऑफ सँड' हे प्रतिष्ठित आंतरराष्ट्रीय बुकर पारितोषिक जिंकणारे भारतीय भाषेतील पहिले पुस्तक ठरले आहे. त्यांच्या या पुस्तकाचा अनुवाद डेझी रॉकवेल यांनी केला आहे. £50,000 च्या पारितोषिकासाठी निवडले जाणारे हे पहिले हिंदी भाषेतील पुस्तक आहे. आंतरराष्ट्रीय बुकर पुरस्काराच्या यादीत समाविष्ट करण्यात आलेल्या जगातील 13 पुस्तकांपैकी हे पुस्तक होते. (Author Gitanjali Shree's novel Tomb of Sand has won the International Booker Prize)
दरम्यान, गीतांजली श्रीं चे हे पुस्तक मूळ हिंदीत 'रेत समाधी' या नावाने प्रकाशित झाले आहे. बुकर प्राइजने ट्विटमध्ये म्हटले आहे, "गीतांजली श्री आणि @shreedaisy चे अभिनंदन." बंगाली लेखक अरुणव सिन्हा यांनी ट्विट केले की, "होय! अनुवादक डेझी रॉकवेल आणि लेखिका गीतांजली श्री यांनी 'सँड का मकबरा' साठी आंतरराष्ट्रीय बुकर जिंकला. हिंदी कादंबरी, भारतीय कादंबरी, दक्षिण आशियाई (South Asia) कादंबरीसाठी पहिला विजय... अभिनंदन!
तसेच, गीतांजली श्री यांनी अनेक लघुकथा आणि कादंबऱ्या लिहिल्या आहेत. त्यांची 2000 मधील माई ही कादंबरी (Novel) 2001 मध्ये क्रॉसवर्ड बुक पुरस्कारासाठी निवडण्यात आली होती. एका कार्यक्रमात, गितांजली श्री यांनी सांगितले होते की, "बोल्ट फ्रॉम द ब्लू" ने "एकदम भारावून गेली आहे". त्यांनी GBP 50,000 चे बक्षीस घेतले आणि ते पुस्तकाचे इंग्रजी अनुवादक, डेझी रॉकवेल यांच्यासोबत शेअर केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
