Mukesh Ambani: उद्योग जगतात मुकेश अंबानी यांनी आपले वेगळे स्थान निर्माण केले आहे. ते नेहमीच आपल्या वेगवेगळ्या कार्यक्रमांमुळे चर्चेत येत असतात. आता मात्र ते वेगळ्याच कारणाने चर्चेत आले आहेत. मिळालेल्या माहीतीनुसार, मुकेश अंबानींना इ-मेलवरुन जीवे मारण्याची धमकी दिली आहे.
महत्वाचे म्हणजे, अशी धमकी देणाऱ्या व्यक्तीने मुकेश अंबानीं( Mukesh Ambani )कडे २०० कोटी रुपयांची मागणी केली होती. पण आता मुकेश अंबानींना इ-मेलच्या माध्यमातून २०० कोटींऐवजी ४०० कोटी रुपए देण्याची मागणी केली आहे.
सुरुवातीला मुकेश अंबानींना २० कोटी रुपयांसाठी धमकी आली होती, त्यानंतर दोनदा २०० कोटी आणि ४०० कोटी रुपयांसाठी धमकी देण्यात आली आहे. त्यांना आता तिसऱ्यांदा धमकी दिली आहे.
महत्वाचे म्हणजे, धमकी देणाऱ्याने असेही लिहले आहे की, तुमची सुरक्षा व्यवस्था किती चांगली असली तरीही पोलिस( Police ) मला ट्रॅक करु शकत नाहीत. मला जर हे पैसे मिळाले नाहीत तर तुम्हाला गोळी मारण्यात येईल.
पहिल्यांदा जेव्हा हा इ-मेल मुकेश अंबानीना मिळाल्यानंतर त्यांनी पोलिस ठाण्यात धाव घेत तक्रार दाखल केली आहे. पोलिसांनी अज्ञात व्यक्तीविरुद्ध कलम 387, 506 (2) अन्वये गुन्हा दाखल केला आहे. आता हा इ-मेल कोणी गंमत म्हणून केला आहे की यात काही तथ्य आहे याचा तपास सुरु केला आहे.
या प्रकरणाचा लवकरच उलगडा करण्यात येईल. याला जबाबदार असणाऱ्यांवर कडक कारवाई केली जाईल असे पोलिसांनी म्हटले आहे. मुकेश अंबानी आणि त्यांच्या कुटुंबीयांना झेड प्लस सुरक्षा मिळाली आहे. ही सुविधा त्यांना देशात आणि देशाबाहेरही दिली जाते. मात्र, हा खर्च त्यांना स्वत: उचलावा लागतो. आता मुकेश अंबानींना कोणी धमकी दिली हे पाहणे महत्वाचे ठरणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
