Ammonia Gas Leak in Chennai’s Ennore: तामिळनाडूची राजधानी चेन्नई येथील एन्नोरमध्ये मंगळवारी (26 डिसेंबर 2023) रात्री खळबळ उडाली, जेव्हा संपूर्ण परिसरातून एक विचित्र वास येऊ लागला आणि त्या वासामुळे अनेक लोक बेशुद्ध पडले. काही वेळाने कोरोमंडल इंटरनॅशनल लिमिटेड या फर्टिलायजर कंपनीतून अमोनिया वायूची गळती झाल्याचे उघड झाले.
दरम्यान, या गॅस गळतीचा खत संयंत्राजवळील पेरियाकुप्पम सारख्या भागात राहणाऱ्या लोकांवर परिणाम झाल्याचे सांगण्यात येत आहे. या भागातील लोकांना श्वास घेण्यास त्रास होतोय, मळमळ होतेय आणि ते बेशुद्ध देखील पडले. पीटीआय या वृत्तसंस्थेने दिलेल्या माहितीनुसार, 25 हून अधिक लोकांना रुग्णालयात दाखल करण्यात आले आहे.
तामिळनाडूच्या पर्यावरण आणि वन विभागाने सांगितले की, एन्नोर येथील प्लांटमधून उप-समुद्री पाईपमधून हा वायू बाहेर पडला. मात्र, हे कळताच तो थांबवण्यात आला. घटनेची माहिती मिळताच पोलीस पथक घटनास्थळी पोहोचले आणि आरोग्य पथकासह परिस्थिती नियंत्रणात आणली. कंपनीचे प्रोडक्शन हेड म्हणाले की, पाईपमधून गॅस गळती होताच खूप तीव्र वास येऊ लागला.
या गॅस गळतीबाबत, कंपनीचे अध्यक्ष अमीर अल्वी म्हणाले की, 26 डिसेंबर 2023 च्या रात्री 11.30 वाजता नियमित ऑपरेशन दरम्यान, कंपनीच्या उप-समुद्री पाइपलाइनमधून गॅस गळती होताना दिसला. मात्र, कंपनीच्या पथकाने सतर्कता दाखवत तात्काळ अमोनिया गॅसची पाइप वेगळी करुन बंद केली. पथकाने कमीत कमी वेळेत परिस्थिती नियंत्रणात आणली. या सर्व प्रकारादरम्यान गॅस आजूबाजूच्या भागात पोहोचल्याने लोकांना मोठ्या त्रासाला सामोरे जावे लागले. या लोकांना रुग्णालयात दाखल करण्यात आले असून, त्यांच्यावर उपचार सुरु आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
