Amit Shah CAA Remark: 'CAA लागू होणार नाही, असे स्वप्न पाहणारे...,'

Amit Shah CAA Remark: निवडणुकीच्या वातावरणात नागरिकत्व दुरुस्ती विधेयक म्हणजेच CAA बाबत पुन्हा एकदा चर्चा सुरु होऊ शकते. या प्रकरणाला पुन्हा हवा देण्याचे काम गृहमंत्री अमित शहा यांनी केले आहे. एका मुलाखतीत अमित शाह यांनी स्पष्ट केले की, 'ज्यांना वाटते की सरकारने CAA विधेयक गुंडाळून ठेवले आहे, तर ते चुकीचे आहेत. याबाबत लोकांनी संभ्रमात राहू नये.'

दरम्यान, टाईम्स नाऊ नवभारतच्या एका कार्यक्रमात गृहमंत्री अमित शाह म्हणाले की, 'सीएए हे एक वास्तविकता आहे. हा देशाचा कायदा आहे. त्याची अंमलबजावणी न झाल्याबद्दल स्वप्न पाहणारे चूक करत आहेत.' मात्र, असे अमित शहा पहिल्यांदाच बोलले, असे नाही. याआधीही शहांनी आपल्या अनेक भाषणांमध्ये नागरिकत्व कायद्याच्या अंमलबजावणीचा उल्लेख केला आहे.

प्रार्थना स्थळ कायद्यावर दिलेले उत्तर

या कार्यक्रमादरम्यान अमित शहांनी प्रार्थनास्थळ कायद्याबाबतही प्रश्न विचारण्यात आला. त्यावर गृहमंत्री म्हणाले की, हे प्रकरण अद्याप न्यायालयात आहे, त्यामुळे त्यावर भाष्य करणे योग्य नाही. कारण अयोध्या निकालानंतर जे वाद निर्माण झाले आहेत, त्यात या कायद्याबाबत एक आव्हान समोर आले आहे. माझा विश्वास आहे की, प्रत्येक कायदा न्यायालयाच्या कायदेशीर छाननीतून गेला पाहिजे. यावर सरकार उत्तर दाखल करणार आहे.'

दुसरीकडे, चीनबाबत अमित शहा म्हणाले की, चीनसोबतचा सीमावाद खूप जुना आहे. जे आज प्रश्न उपस्थित करत आहेत, त्यांच्या काळात चीनमध्ये एक लाख एकरहून अधिक जमीन गेली, त्यांनी इतिहास वाचावा. आमच्या सरकारचा विचार केला तर आम्ही ठाम आहोत की एक इंचही जमीन परकीय देशाच्या ताब्यात जाऊ शकत नाही.'