UP Election Result 2022 : देशात झालेल्या पाच राज्यांच्या निवडणूकांचा निकाल लागला असून पाचपैकी चार राज्यात भाजपने आपला झेंडा रोवला आहे. तर पंजाबमध्ये आम आदमी पक्षाने विजय मिळवत मोठा पक्ष ठरला आहे. चार राज्यात भाजपला मिळालेल्या यशामुळे तर उत्तर प्रदेशमध्ये भाजपने नेत्रदीपक मुसंडी मारली आहे. त्यामुळे कार्यकर्त्यांचा उत्साहही शिगेला पोहोचला आहे. या निकालांना अनेक पक्षांनी हा जनतेचा जनादेश असून आम्ही तो स्विकारतो असे म्हणत पराभव स्विकारला आहे. त्याचवेळी भारतीय किसान युनियनचे राष्ट्रीय प्रवक्ते राकेश टिकैत यांनी आपली प्रतिक्रिया देताना मौन सोडले आहे. यावेळी त्यांनी, सर्व विजयी पक्षांचे विजयाबद्दल अभिनंदन केले आहे. (All governments will work for the upliftment of farmers and laborers in their state says Rakesh Tikait)
तसेच टिकैत यांनी ट्विट करत म्हटले आहे की, "लोकशाहीच्या महान उत्सवात जनतेचा निर्णय सर्वोपरि आहे. शेतकरी (farmers)चळवळीने त्याचा परिणाम दाखवून दिला आहे. आम्हाला आशा आहे की स्थापन झालेली सर्व सरकारे आपापल्या राज्यात शेतकरी आणि मजुरांच्या उन्नतीसाठी काम करतील.
दरम्यान उत्तर प्रदेश विधानसभा (Uttar Pradesh Assembly) निवडणुकीचे निकाल पूर्णपणे स्पष्ट झाले असून योगी आदित्यनाथ (Yogi Adityanath) यांनी आपला गड राखत राज्यात मोठा पक्ष म्हणून भाजला (BJP) समोर आणले आहे. भाजप 261 जागांवर तर सपा (SP) 135 जागांवर आघाडीवर होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
