उत्तर प्रदेश विधानसभा निवडणुकीच्या 2022 (Uttar Pradesh Assembly Elections 2022) च्या निकालाची प्रतीक्षा संपली आहे. आज 10 मार्च रोजी सकाळी 8 वाजल्यापासून सर्व 403 विधानसभा जागांवर मतमोजणी (UP Election Counting) सुरू झाली होती. पुढील पाच वर्षे यूपीच्या अध्यक्षपदावर भाजपची सत्ता राहणार हे स्पष्ट झाले आहे. या निवडणुकांमध्ये मुख्यमंत्री योगी आदित्यनाथ ( Yogi Aditya Nath) , सपा प्रमुख अखिलेश यादव (Akhilesh Yadav) , बसपा प्रमुख मायावती (Mayawati) आणि काँग्रेस सरचिटणीस प्रियंका गांधी वड्रा (Priyanka Gandhi) नेत्यांची राजकीय कारकीर्द पणाला लागली होती. मात्र या सर्वांना मागे टाकत युपीमध्ये भाजपने दणदणीत विजय मिळवला आहे. युपीमध्ये मिळालेल्या मोठ्या विजयानंतर योगी आदित्यनाथ यांनी मत व्यक्त केले. उत्तर प्रदेशचे मुख्यमंत्री भाजप नेते योगी आदित्यनाथ यांनी गोरखपूर मतदारसंघातून 1 लाख 20 हजार मतांनी विजय मिळवला आहे. (Uttar Pradesh Vidhan Sabha Election Results 2022)
भाजपचे राष्ट्रीय अध्यक्ष जेपी नड्डा दिल्लीतील भाजप मुख्यालयात पोहोचले. पक्षाने मणिपूर, उत्तर प्रदेश, उत्तराखंड आणि गोवा या चार राज्यांत विजय नोंदवल्या बद्दल त्यांनी चार राज्यांच्या मुख्यमंत्र्यांचे अभिनंदन केले.
युपीमध्ये मिळालेल्या मोठ्या विजयानंतर योगी आदित्यनाथ यांनी मत व्यक्त केले. प्रचंड बहुमत दिल्या बद्दल युपीवासीयांचे आभार मानत ते म्हणाले...
मोदींच्या यशस्वी नेतृत्वात लोकांनी भाजपला विजयी केले.
उत्तर प्रदेशात विकास आणि सुशासनाला जनतेचा आशिर्वाद मिळाला.
मोदींच्या यशस्वी नेतृत्वात चार राज्यात भाजपची सत्ता आली.
विरोधकांनी गेल्या दोन ते तीन दिवसात खोटा प्रचार केला.
मात्र जनतेच्या आशिर्वादामुळे भाजप पुन्हा सत्तेत आले आहे.
जनतेने विकासाला मत दिले आहे.
जनतेने जातीवादाला दिली तिलांजली.
कोरोना काळात गरीबांच्या घरापर्यंत आम्ही राशन पोहचवलं.
गरिबांसाठी केलेल्या कामामुळे युपीमध्ये भाजपला विजय मिळाला.
उत्तर प्रदेशात भाजप भयमुक्त वातावरण निर्माण केलं.
आपल्याला जोशासोबत होश देखील कायम ठेवत कार्य करत रहावे लागणार आहे.
उत्तर प्रदेश देशातील सर्वात मोठे राज्य बनणार.
केंद्रीय गृहमंत्री आणि भाजप नेते अमित शहा यांनी उत्तर प्रदेश, उत्तराखंड, मणिपूर आणि गोव्याच्या मुख्यमंत्र्यांचे अभिनंदन केले आणि मतदारांनी भाजपवर विश्वास दाखवल्याबद्दल त्यांचे आभार मानले.
मुख्यमंत्री योगी आदित्यनाथ यांना मोठा विजय मिळाला
उत्तर प्रदेशातून सर्वात मोठी बातमी समोर आली आहे. उत्तर प्रदेशचे मुख्यमंत्री योगी आदित्यनाथ यांनी गोरखपूर मतदारसंघातून 1 लाख 20 हजार मतांनी विजय मिळवला आहे.
यूपीच्या भाजप कार्यालयात गुलालाची उधळण
विजयाच्या घोषणा देत योगी आदित्यनाथ लखनऊ येथील भाजप कार्यालयात पोहोचले. येथे भाजपचे कार्यकर्ते जल्लोष साजरा करत आहेत. भाजप कार्यकर्त्यांनी मंचावर एकत्र येऊन एकमेकांना गुलाल उधळत विजयाचा जल्लोश केला. यावेळी यूपी भाजपचे सर्व बडे नेते उपस्थित होते.
उत्तर प्रदेशचे मुख्यमंत्री योगी आदित्यनाथ यांचे लखनऊ येथील भाजप कार्यालयात आगमन; कार्यकर्त्यांच्या मोठ्या जनसमुदायाने केले स्वागत.
राजा भैयांचा कुंडामधून पुन्हा विजय
बाहुबली नेते रघुराज प्रताप सिंह उर्फ राजा भैया कुंडा विधानसभा मतदारसंघातून विजयी होताना दिसत आहेत. त्यांनी सपाचे गुलशन यादव यांचा पराभव केल्याचे वृत्त आहे. सध्या अधिकृत घोषणेची प्रतीक्षा आहे. कुंडा मतदारसंघातून राजा भैय्या सतत विजयी होत आहेत. हा त्यांचा बालेकिल्ला आहे. ते जनसत्ता दलाला लोकशाहीवादी बनवून निवडणूक लढवण्यासाठी उतरले होते. या जागेवर भाजप तिसऱ्या क्रमांकावर आहे.
या विजयामुळे पंतप्रधान मोदींची देशभरातील लोकप्रियता दिसून येते. हे पीएम मोदी आणि मुख्यमंत्री योगी यांच्या सामाजिक कल्याणकारी योजनांचे परिणाम आहेत. उत्तर प्रदेशात विकासाचा बुलडोझर फिरत राहील. आम्हाला गोवा आणि मणिपूरमध्ये पूर्वीपेक्षा जास्त जागा मिळत आहेत- पीयूष गोयल
समाजवादी पक्षाचे प्रमुख अखिलेश यादव यांची चूक नाही, त्यांनी स्वबळावर निवडणूक लढण्याचा प्रयत्न केला. त्यांनी मतदानाच्या निकालाचा विचार करू नये कारण त्यांची कामगिरी पूर्वीपेक्षा चांगली आहे. ते पूर्वीपेक्षा यावेळी चांगले लढले- राष्ट्रवादीचे अध्यक्ष शरद पवार
यूपीचे मुख्यमंत्री योगी आदित्यनाथ गोरखपूर अर्बनमधून 40,144 मतांनी आघाडीवर आहेत; मोजणी सुरू आहे.
जनतेचा मूड विकासासाठी तयार झाला आहे, हा मोदी-योगींच्या डबल इंजिन सरकारचा विजय आहे. सुरक्षा आणि पायाभूत सुविधांच्या मुद्द्यांवर लोकांनी मतदान केले आहे. 30 वर्षांनंतर एकच पक्ष दुसऱ्यांदा सरकार बनवत आहे असे मत प्रयागराजमधून भाजप खासदार रिता बहुगुणा जोशी यांनी व्यक्त केले.
लखनऊ भाजप कार्यालयात योगींचा तरुण चाहता
यूपी निवडणुकीच्या ट्रेंडनंतर, दीड वर्षाची मुलगी नव्याने मुख्यमंत्री योगी आदित्यनाथ यांची वेशभूषा करून लखनऊमधील भाजप कार्यालयात पोहोचली. ती तिच्या वडिलांसोबत आली. तिच्या हातात बुलडोझरचे खेळणेही होते. यूपीमध्ये भाजप बहुमताने पुन्हा सत्तेत येताना दिसत आहे.
मतमोजणीच्या नऊ फेऱ्यांनंतर, भाजप यूपीच्या सहसवान जागेवर आघाडीवर आहे. भाजपचे उमेदवार धीरेंद्र भारद्वाज तीन हजारांच्या फरकाने पहिल्या क्रमांकावर आहेत. त्यांना आतापर्यंत 23482 मते मिळाली आहेत. दुसऱ्या क्रमांकावर बसपचे मुसरत अली आहेत. त्यांना आता 19395 मते मिळाली आहेत. सपाचे ब्रजेश यादव 14244 मतांसह तिसऱ्या क्रमांकावर आहेत.
उत्तर प्रदेशमधील मोठ्या विजयाच्या पार्श्वभूमीवर लाडू तयार करून कार्यकर्ते वाटप करत आहेत.
यूपीतील हाथरस आणि लखीमपूर या दोन्ही जागांवर बीजेपी आघाडीवर आहे. या दोन्ही जागा यंदाच्या निवडणूकीत खूप चर्चेत होत्या. हाथरस आणि लखीमपूरमध्ये योगी सरकारच्या कायदा आणि सुव्यवस्थेवर अनेक प्रश्न उपस्थित करण्यात आले होते. हाथरसमध्ये भाजपच्या अंजुला सिंह माहूर 18 हजार मतांनी आघाडीवर आहेत. येथे सहा टप्प्यात मतदान झाले आहे.
आमचे सरकार स्थापन होणार हे आम्हाला आधीच माहीत होते; आम्ही विकासाच्या प्रत्येक पैलूसाठी काम केले आहे, म्हणूनच जनतेचा आमच्यावर विश्वास आहे. बुलडोझरसमोर काहीही येऊ शकत नाही, कारण ते एका मिनिटात सर्वकाही संपवू शकते, मग ते सायकल असो किंवा इतर काहीही असे मत भाजप खासदार हेमा मालिनी यांनी व्यक्त केले.
UP Election Result 2022: यूपीमध्ये भाजपला 42% आणि सपाला 32% मते मिळाली आहेत. यूपीमधील 403 जागांचा कल बघितला तर भाजपच्या खात्यात 269+ जागा जात आहेत, तर सपाच्या खात्यात 120+ जागा जात आहेत. यूपीमधील निकालांचा कल पाहता भाजपला 42 टक्के तर सपाला 32 टक्के तर बसपाला 13 टक्के मते मिळाली आहेत.
उत्तर प्रदेश, उत्तराखंड, गोवा आणि मणिपूरमध्ये आघाडीवर असलेल्या भाजपच्या बेंगळुरू, कर्नाटक येथील कार्यालयात धुरळा.
समाजवादी पक्षाचे आझम खान हे रामपूर मतदारसंघातून आघाडीवर आहेत तर स्वामी प्रसाद मौर्य हे फाझीलनगर मतदारसंघातून पिछाडीवर आहेत.
गोरखपूरचे खासदार आणि भाजप नेते रवी किशन यांनी उत्तर प्रदेशात धुव्वा उडवत मिठाई वाटली. पक्षाच्या कार्यकर्त्यांनी, मंत्र्यांनी नेहमी जमिनीवर राहून लोकांचे कामं केली पाहिजे ही मोदीजींची शिकवण आपल्याला हा विजय मिळवून देत आहे. ही रामराज्याची सुरुवात आहे, असे ते म्हणाले.
भारतीय समाज पक्षाचे जहूराबाद मतदारसंघातून सुहेलदेव ओपी राजभर आघाडीवर आहेत
यूपीमध्ये भाजपने आघाडी घेतल्यानंतर लखनऊ कार्यालयाबाहेर कार्यकर्त्यांनी खेळली होळी.
विधानसभा निवडणुकीची मतमोजणी सुरू असताना काँग्रेस कार्यकर्त्यांनी दिल्लीतील पक्ष कार्यालयाबाहेर ईव्हीएमविरोधात निदर्शने केली. निवडणूक आयोगाच्या ताज्या अधिकृत ट्रेंडनुसार पक्ष पाचही राज्यांमध्ये पिछाडीवर आहे.
थोड्याच वेळात समाजवादी पक्षाचे नेते अखिलेश यादव यांची पत्रकार परिषद
दुपारी 12 वाजेपर्यंतचे युपीचे कल
भाजप - 270
सपा - 120
बसपा - 07
काँग्रेस - 05
इतर -01
यूपीमध्ये केंद्रिय निवडणूक आयोगाच्या मतानुसार 241 जागांवर भाजपने घेतली आघाडी
Gorakhpur Urban Election Result 2022: मुख्यमंत्री योगी आदित्यनाथ 16000 मतांनी आघाडीवर आणि सिराथूमधून उपमुख्यमंत्री केशव प्रसाद मौर्य पिछाडीवर आहेत
सकाळी 11 वाजेपर्यंतचे कल जाहीर
भाजप : 260
सपा : 123
बसपा : 6
काँग्रेस :3
इतर : 3
समाजवादी पक्षाचे प्रमुख अखिलेश यादव लखनऊ येथील पक्ष कार्यालयात पोहोचले. पक्षाने आतापर्यंत 97 जागांवर आघाडीवर आहे.
गोरखपूर शहरी विधानसभा मतदारसंघात उत्तर प्रदेशचे मुख्यमंत्री योगी आदित्यनाथ आघाडीवर आहेत. भारतीय जनता पक्षाने उत्तर प्रदेशात बहुमताचा आकडा ओलांडला, सुरुवातीच्या ट्रेंडनुसार 232 मतदारसंघात भाजपने आघाडी घेतली आहे.
मिळालेल्या माहितीनुसार, लखनऊमध्ये भाजप 9 पैकी 6 जागांवर पुढे आहे, तर सपा इतर 3 जागांवर पुढे आहे. लखनौ मधून भाजपचे उमेदवार ब्रजेश पाठक, लखनौ सेंट्रलमधून भाजपचे उमेदवार रजनीश गुप्ता, लखनौ पश्चिममधून भाजपचे उमेदवार अंजनी श्रीवास्तव, बीकेटीमधून भाजपचे उमेदवार योगेश शुक्ला, लखनौ पूर्वचे भाजपचे उमेदवार आशुतोष टंडन, मलिहाबादचे भाजपचे उमेदवार जय देवी, सपाचे मोहनलाल मोहनलाल. गंजच्या उमेदवार सुशीला सरोज, लखनौ उत्तरमधून सपा उमेदवार पूजा शुक्ला, सरोजिनी नगरमधून सपा उमेदवार अभिषेक मिश्रा आघाडीवर आहेत.
सुरुवातीच्या ट्रेंडमध्ये, भारतीय जनता पक्षाने उत्तर प्रदेश आणि उत्तराखंडमध्ये बहुमताचा आकडा पार केला आहे.
पंतप्रधान नरेंद्र मोदी यांचा मतदारसंघ वाराणसीमधून भाजपचे उमेदवार निलकंठ तिवारी पिछाडीवर असून समाजवादीचे कामेश्वर दीक्षित आघाडीवर आहेत.
भाजप : 252
सपा : 123
बसपा : 6
काँग्रेस :4
इतर : 3
शिवपाल सिंह यादव, ज्यांना समाजवादी पक्षाने तिकीट दिले आहे, ते जसवंतनगर विधानसभा मतदारसंघातून निवडणूक आयोगाच्या ट्रेंडनुसार पिछाडीवर आहेत.
भाजप : 222
सपा : 111
बसपा : 8
काँग्रेस : 3
इतर : 5
करहल विधानसभेच्या जागेवर समाजवादी पक्षाचे अखिलेश यादव आघाडीवर आहेत, तर बसपा आणि भाजप अनुक्रमे दुसऱ्या आणि तिसऱ्या स्थानावर आहेत.
अदिती सिंह रायबरेलीमधून 50000 हून अधिक मतांनी विजयी होऊ शकतात
यूपीच्या रायबरेली विधानसभेच्या मतमोजणीच्या पहिल्या फेरीनंतर भाजप उमेदवार आदिती सिंह 1419 मतांच्या फरकाने पहिल्या स्थानावर आहेत. दुसरीकडे सपाचे उमेदवार राम प्रताप यादव दुसऱ्या क्रमांकावर आहेत. मतमोजणीच्या पहिल्या कलाच्या अंदाजानुसार, भाजप उमेदवार आदिती सिंह 50000 पेक्षा जास्त मतांच्या फरकाने विजयी होण्याची शक्यता आहे.
भाजप : 205
सपा : 111
बसपा : 8
काँग्रेस : 3
इतर : 5
सकाळी 9:30 वाजेपर्यंतचा युपीचा कल
भाजप : 165
सपा : 82
बसपा : 5
काँग्रेस : 2
इतर : 2
यूपी विधानसभेच्या 403 जागांपैकी 260 जागांच्या भविष्याचे निकाल जाहीर, बनारसच्या सेवापुरी मतदारसंघात भाजपला झटका, सपाचे सुरेंद्र सिंह आघाडीवर
प्रतापगडच्या कुंडा विधानसभा मतदारसंघातून राजा भैया पिछाडीवर आहेत. कुंडा मतदारसंघातून भाजपने सिंधुजा मिश्रा आणि काँग्रेसने योगेश यादव यांना उमेदवारी दिली आहे. मुहम्मद फहीम बसपकडूनआपले नशीब आजमावत आहेत. कुंडा विधानसभेतील मतदारांबद्दल बोलायचे झाले तर, अनेक निवडणुकांपासून येथे सुमारे साडेतीन लाख मतदार राजा भैय्या यांना मतदान करत आहेत. येथे पुरुष मतदारांची संख्या 194879 आहे, तर महिला मतदारांची संख्या 148895 आहे.
सुरुवातीच्या काळात कुंडा विधानसभा हा काँग्रेसचा बालेकिल्ला होता. 1962 ते 1989 पर्यंत काँग्रेसचे नियाज हसन सलग पाच वेळा आमदार होते. 1991 मध्ये येथे भाजपचा शेवटचा विजय झाला होता, जेव्हा शिवनारायण मिश्रा यांनी येथे भगवा फडकवला होता. त्यांनी काँग्रेसच्या नियाज हसन यांचा पराभव केला होता. 1993 पासून राजा भैय्या यांनी सात वेळा विधानसभा निवडणूक जिंकली आहे. 2017 च्या निवडणुकीत अपक्ष म्हणून लढलेल्या राजा भैय्या यांनी भाजपच्या जानकी शरण यांचा 103647 मतांनी मोठ्या फरकाने पराभव केला. या निवडणुकीत राजा भैय्या यांना 136597 मते मिळाली. त्याचवेळी भाजपच्या जानकी शरण यांना केवळ 32950 मते मिळवता आली आहे.
युपीचे पहिले कल हातात आले असून 403 जागांमध्ये 197 जागांमध्ये भाजप आघाडीवर असून 123 जागांवर सपा पुढे आहे. बसपा 6, काँग्रेस 3 जागांवर आघाडीवर आहेत. 403 जागांपैकी 242 जागांच्या भविष्याचे निकाल जाहीर...
बसपानं युपीमध्ये उघडलं खातं
युपीचे पहिले कल हातात आले असून 403 जागांमध्ये 150 जागांमध्ये भाजप आघाडीवर असून 105 जागांवर सपा पुढे आहे. बसपा 5, काँग्रेस 3 जागांवर आघाडीवर आहेत. 403 जागांपैकी 212 जागांच्या भविष्याचे निकाल जाहीर...
बीजेपी- 158
सपा – 123
बसपा – 6
कांग्रेस – 3
इतर – 4
युपीमध्ये सुरुवातीच्या कलांमध्ये भाजपच्या अल्का सिंग या सांदिला मतदारसंघातून आघाडीवर आहेत.
लखनौमध्ये विधानसभा निवडणुकीची मतमोजणी सुरू आहे. मतमोजणी केंद्रातील ही क्षणचित्रे
बीजेपी- 142
सपा – 84
बसपा – 5
कांग्रेस – 3
इतर – 3
Kunda Election Result 2022: राजा भैया कुंडा जागेवरून आघाडीवर
कुंडा विधानसभा मतदारसंघातून राजा भैया आघाडीवर आहेत. याशिवाय नोएडा मतदारसंघातून पंकज सिंह आघाडीवर आहेत.
सपा नेते अखिलेश यादव यांनी ट्विट केले की, परीक्षा अजून बाकी आहे, आता ही वेळ धैर्याची निर्णयांची आहे.
बीजेपी- 116
सपा – 77
बसपा – 3
कांग्रेस – 2
इतर – 2
युपीची जनता जिंकत आहे आणि गुंडगिरी अपयशी होत आहे
भाजप सोडून समाजवादी पक्षामध्ये सामील झालेले स्वामी प्रसाद मौर्य मतमोजणीमध्ये पुढे
Karhal Election Result 2022: अखिलेश यादव करहाल जागेवर पुढे
मैनपुरीच्या करहल मतदारसंघातून अखिलेश यादव आघाडीवर आहेत, तर जसवंत नगर मतदारसंघातून शिवपाल यादव पिछाडीवर आहेत.
युपीचे पहिले कल हातात आले असून 403 जागांमध्ये 102 जागांमध्ये भाजप आघाडीवर असून 60 जागांवर सपा पुढे आहे. तर बसपा 3, काँग्रेस 2 जागांवर आघाडीवर आहेत.
एक राष्ट्र, एक निवडणुकीसाठी संविधानात बदल करावा लागेल, हे कसे करता येईल, हे संसदेत ठरवावे लागेल. यासाठी निवडणूक आयोग सक्षम आहे, 5 वर्षातून एकदाच निवडणुका होतील- मुख्य निवडणूक आयुक्त सुशील चंद्र
आम्ही 5 राज्यांमध्ये असे 1900 बूथ बनवले जे पूर्णपणे महिलांनी आयोजित केले होते, हे महिलांचे सक्षमीकरण होते. महिला मोठ्या संख्येने सहभागी झाल्या होत्या आणि त्यामुळे 4 राज्यांमध्ये महिलांच्या मतदानाची टक्केवारी पुरुषांपेक्षा जास्त आणि पंजाबमध्ये समान आहे- मुख्य निवडणूक आयुक्त सुशील चंद्र
ईव्हीएमच्या सत्यतेवर आणि पारदर्शकतेवर शंका घेण्याचा प्रश्नच येत नाही. 2004 च्या निवडणुकीपासून ईव्हीएमचा वापर केला जात आहे आणि 2019 पासून आम्ही प्रत्येक मतदान केंद्रावर VVPAT ची व्यवस्था केली आहे. स्ट्राँग रूममधून कोणतीही मशीन बाहेर पडू शकत नाही: मुख्य निवडणूक आयुक्त सुशील चंद्र
उत्तर प्रदेशचा पहिला कल
भाजप - 60
सपा - 40
राज्यात पोस्टल मतमोजणीला सुरवात भाजप 25 जागांवर पुढे, तर सपा 20 जागांवर आघाडीवर
उत्तर प्रदेशसह पाच राज्यांतील विधानसभा निवडणुकीची मतमोजणी सुरू झाली आहे.
उत्तर प्रदेश सरकारने राज्यात केलेले काम अभूतपूर्व आहे, त्यामुळे लोकांनी आम्हाला आशीर्वाद दिले आहेत. निकाल आल्यावर हे स्पष्ट होईल की आम्ही 300 च्या पुढे जागा आणत आहोत-उत्तर प्रदेश मंत्री मोहसिन रझा, लखनौ
Noida Election Result 2022: नोएडामध्येही मतमोजणीची तयारी पूर्ण झाली
उत्तर प्रदेश विधानसभा निवडणुकीच्या (UP Election 2022) मतमोजणीची तयारी सुरू आहे, मतमोजणी 8 वाजता सुरू होईल. हे फोटो नोएडा सेक्टर-88 मतमोजणी केंद्राबाहेरील आहेत.
जनतेचे पंतप्रधान मोदी आणि मुख्यमंत्री योगींवर प्रचंड विश्वास आहे
यूपीमध्ये भाजप बहुमताने सरकार स्थापन करेल. गेल्या वेळेपेक्षा जास्त जागा जिंकू. भाजप सरोजिनी नगर जागा 1 लाख मतांनी जिंकेल, असे मत लखनौ जिल्ह्यातील सरोजिनी नगरमधील भाजप उमेदवार राजेश्वर सिंह यांनी व्यक्त केले.
असा होता यूपी विधानसभा निवडणूक 2017 चा निकाल
एकूण जागा: 403
बहुमत: 202
भाजप- 312
सपा-46
बसपा-19
अपना दल- 9
काँग्रेस- 7
अपक्ष- 3
एसबीएसपी- 4
राष्ट्रीय लोक दल -1
निशाद-1
आज उत्तर प्रदेशमध्ये मद्यविक्रीवर बंदी
उत्तर प्रदेशमधील विधानसभा निवडणुकीच्या मतमोजणीमुळे आज राज्यात दारूविक्रीवर पूर्ण बंदी लागू करण्यात आली आहे. उत्पादन शुल्क विभागाने सांगितले की, 10 मार्च रोजी होणारी मतमोजणी लक्षात घेता संपूर्ण दिवस राज्यात मद्यविक्री आणि कामकाजावर बंदी आहे. उल्लंघन केल्यास कारवाई केली जाईल.
लखनौमधील मतमोजणी केंद्रांवर 3 स्तरीय सुरक्षा
मतमोजणी केंद्रांवर 3 स्तरीय सुरक्षा व्यवस्था करण्यात आली आहे. CAPF, PAC आणि सिव्हिल पोलिस तैनात करण्यात आले आहेत.
वाराणसीच्या डीएमने सांगितले की मतमोजणी एजंट मतमोजणी केंद्रात यायला लागले आहेत आणि पोस्टल मतपत्रांची मोजणी 8 वाजल्यापासून सुरू होईल. त्यानंतर ईव्हीएममध्ये नोंदवलेल्या मतांची मोजणी केली जाईल. सायंकाळपर्यंत मतमोजणी पूर्ण होईल. वाराणसी आयुक्तालय परिसरात सुरक्षेच्या दृष्टीने कलम 144 लागू करण्यात आले आहे.
उत्तर प्रदेश विधानसभा निवडणुकीची मतमोजणी सकाळी ८ वाजता सुरू होणार आहे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.