लष्करप्रमुखांची घोषणा, अग्निपथ योजनेतील भरती प्रक्रिया दोन दिवसांत होणार सुरु

अग्निपथ योजनेबाबत देशभरात सुरु असलेल्या हिंसक आंदोलनादरम्यान, लष्करप्रमुख जनरल मनोज पांडे यांनी सांगितले की, भरती प्रक्रियेसंबंधी अधिसूचना येत्या दोन दिवसांत जारी करण्यात येणार आहे. ही अधिसूचना भारतीय लष्कराच्या http://joinindianarmy.nic.in या वेबसाइटवर जारी केली जाईल.

ते पुढे म्हणाले की, या वर्षी डिसेंबरपर्यंत लष्कराला पहिला अग्निवीर मिळेल आणि पुढील वर्षाच्या मध्यापर्यंत ते तिन्ही सेवांमध्ये ऑपरेशनल आणि नॉन-ऑपरेशनल तैनातीसाठी तैनात केले जातील.

लष्करप्रमुख जनरल मनोज पांडे पुढे म्हणाले, 'लवकरच भरती प्रक्रिया सुरु होणार आहे. त्यासंबंधीची अधिसूचना येत्या दोन दिवसांत जारी केली जाईल. यानंतर, नोंदणी, भरती प्रक्रिया इत्यादींचे वेळापत्रक सैन्याकडून जारी केले जाईल.

ते पुढे म्हणाले की, 'भरती प्रक्रिया झाल्यानंतर या वर्षाच्या अखेरीस पहिल्या तुकडीचे प्रशिक्षण सुरु होईल.' एवढंच नाही तर विद्यार्थ्यांच्या (Students) विरोधाच्या प्रश्नावर ते म्हणाले की, 'तरुणांना याबाबत पूर्ण माहिती नाही. एकदा ते त्याचा एक भाग झाल्यानंतर आणि संपूर्ण गोष्ट समजून घेतल्यानंतर ते निषेध करणार नाहीत.'