Indian sailors detained in Nigeria : नऊ महिने नायजेरियाच्या तुरुंगांत काढले, मायदेशी परतताच खलाशी म्हणाला, “आता माझ्या...”

Kerala sailors in Nigeria

नायजेरियात अटकेत असलेले भारतीय खलाशी नऊ महिन्यांनंतर मायदेशी परतले आहेत. मायदेशी परतल्यानंतर त्याच्या चेहऱ्यावर जो आनंद दिसत होता त्याचे वर्णन करणे कठीण आहे.

आंतरराष्ट्रीय सागरी सीमारेषेचे उल्लंघन केल्याप्रकरणी १६ भारतीय खलाशांना ताब्यात घेण्यात आले. या सर्वांना 9 महिने तुरुंगात ठेवण्यात आले होते. हे सर्वजण शनिवारी कोची विमानतळावर उतरले.

नायजेरियन अधिका-यांनी तेल चोरीचा आरोप करत या 16 खलाशांना 9 महिन्यांपूर्वी अटक केले होते. या आरोपांच्या न्यायालयिन कार्यवाहीनंतर खलाशी केरळमधील कोची विमानतळावर दाखल झाले. यावेळी एक खलाशी म्हणाला, "मला खूप आनंद झाला आहे की मी आता माझ्या मुलांसह घरी आहे."

कोची विमानतळावर खलांशांच्या कुटुंबीयांनी आणि भारतीय अधिकाऱ्यांनी त्यांचे जोरदार स्वागत केले. उल्लेखनीय म्हणजे, 22 ऑगस्टपासून ताब्यात असलेल्या 'एमटी वीर इडून' च्या क्रूला त्यांच्या सागरी क्रियाकलापांमध्ये सावधगिरी बाळगण्याचा इशारा देऊन सोडण्यात आले.

भारतात परतलेल्या खलाशांपैकी एक सानू जोसने अत्यंत अनिश्चिततेनंतर केरळमध्ये पोहोचल्याबद्दल सरकारचे आभार मानले.

एएनआयशी बोलताना सानू जोस म्हणाला, "मला खूप आनंद झाला आहे की मी आता माझ्या मुलांसह घरी आहे. आमच्या आयुष्यात काय होईल याबद्दल खूप अनिश्चितता होती आणि आम्हाला वाटत होते की आमचे जीवन आता नायजेरियातील तुरुंगातच संपेल." पण आम्हाला मदत केल्याबद्दल मी भारत आणि केरळ सरकारसह सर्वांचे आभार मानतो."

आणखी एक खलाशी व्ही विजीथ यांनी सांगितले की, भारत सरकारने या प्रकरणी खूप प्रयत्न केले आणि त्यांनी सर्व खलाशांची सुटका करण्याचे काम केले.

ते म्हणाले, "आमच्यासाठी हा एक कठीण अनुभव होता, परंतु भारत सरकारने या प्रकरणी खूप प्रयत्न केले आणि त्यांनी आम्हाला मुक्त करण्यासाठी खूप चांगले काम केले. आमच्या पासपोर्टने आमच्या सुटकेमध्ये मोठी भूमिका बजावली. मी परराष्ट्र मंत्रालय आणि मी नायजेरियातील भारताचे उच्चायुक्त जी. बालसुब्रमण्यम यांचे आभार मानू इच्छितो."

या जहाजात एकूण २६ क्रू सदस्य होते, ज्यापैकी १६ भारतीय आहेत, ज्यांना ऑगस्ट २०२२ मध्ये इक्वेटोरियल गिनीमध्ये पहिल्यांदा ताब्यात घेण्यात आले होते. आणि नंतर नोव्हेंबर 2022 मध्ये नायजेरियाला नेण्यात आले.

कच्च्या तेलाच्या जहाजात 16 भारतीय, आठ श्रीलंकन आणि फिलीपिन्स व पोलंडमधील प्रत्येकी एकासह 26 सदस्यांच्या समावेश होता.