A temple priest allegedly killed a woman and dumped in a Manhole
हैदराबादमधून एक धक्कादायक घटना समोर आली आहे. येथे एका पुजार्‍याने दररोज मंदिरात येणाऱ्या तरुणीची हत्या करून तिचा मृतदेह मंदिराच्या मागे असलेल्या मॅनहोलमध्ये फेकून दिला.
पुजारी साई कृष्ण आणि तरुणी अप्सरा यांचे एकमेकांवर प्रेम होते असे सांगितले जात आहे. महत्त्वाचे म्हणजे पुजारी साई कृष्ण विवाहित आहे आणि त्याला एक मूल आहे. पोलिसांनी दिलेल्या माहितीनुसार, अप्सरा पुजाऱ्यावर लग्नासाठी दबाव टाकत होती.
पोलिसांनी जारी केलेल्या प्रसिद्धीमध्ये म्हटले आहे की, गेल्या अनेक महिन्यांपासून कुरुगंती अप्सरा पुजारी अय्यागरी वेंकट सूर्य साई कृष्णाला तिच्याशी लग्न करण्याची मागणी करत होती. अप्सराच्या वागण्याने चिडलेल्या साई कृष्णाने तिला मारण्याचा निर्णय घेतला.
हे प्रकरण हैदराबादच्या शमशाबादजवळील नारकुडा गावाच्या परिसरात घडले. ३ जूनच्या रात्री पुजाऱ्याने अपहरण करून महिलेचे डोके दगडाने ठेचून हत्या केली होती. नंतर मृतदेह मॅनहोलमध्ये टाकण्यात आला. त्यानंतर पुजाऱ्याने मृताच्या आईला पोलीस ठाण्यात नेले आणि अप्सरा हरवल्याची खोटी तक्रार दाखल करायला सांगितले.
हत्येचा उलगडा झाल्यानंतर अप्सराच्या नातेवाईकांनी अप्सरा गर्भवती असल्याचे पोलिसांना सांगितले. त्यानंतर साई कृष्णाने तिचा गर्भपातही केल्याचे समोर आले. साई कृष्णाने 6 जून रोजी बाहेरून माती आणून मॅनहोल पूर्णपणे झाकत पुरावे नष्ट करण्याचा प्रयत्न केला. यासोबतच पुजार्‍याने अप्सराची बॅग आणि सामानही जाळले.
प्रकरण पुढे आल्यानंतर पोलिसांनी तपास सुरू केला आणि साईकृष्णाची चौकशी केली असता त्याने पोलिसांसमोर खुनाचा गुन्हा कबूल केला. आता हैदराबाद पोलिसांनी बेपत्ता प्रकरणाचे रुपांतर खुनाच्या प्रकरणात करून तपास सुरू केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.