AAP MLA Amanatullah Khan: आम आदमी पक्षाचे आमदार आणि वक्फ बोर्डाचे अध्यक्ष अमानतुल्ला खान यांना जामीन मिळाला आहे. वक्फ बोर्डातील भरती घोटाळ्याच्या आरोपाखाली अटक करण्यात आलेल्या अमानतुल्ला खान यांना राऊस एव्हेन्यू कोर्टातून जामीन मिळाला आहे. अमानतुल्ला यांना एक लाख रुपयांचा बेल बॉन्ड भरावा लागणार आहे.
दरम्यान, अमानतुल्ला खान यांना लाचलुचपत प्रतिबंधक विभागाने (ACB) दोन वर्षे जुन्या प्रकरणात चौकशी केल्यानंतर 16 सप्टेंबर रोजी अटक केली होती. चौकशीदरम्यान अमानतुल्ला खान यांच्या घरासह 5 ठिकाणी छापे टाकण्यात आले होते. छाप्यात दोन अड्ड्यांवरुन कॅश आणि शस्त्रे जप्त करण्यात आली होती. खान यांच्यानंतर त्यांच्या दोन जवळच्या मित्रांनाही पोलिसांनी (Police) अटक केली असून त्यांच्या घरातून रोख रक्कम आणि शस्त्रे जप्त करण्यात आली आहेत.
दुसरीकडे, एसीबीने 2020 मध्ये खान यांच्याविरुद्ध भ्रष्टाचारासह इतर कलमांतर्गत गुन्हा दाखल केला होता, ज्याची एसीबीकडून चौकशी सुरु होती. दिल्ली वक्फ बोर्डाचे अध्यक्ष अमानतुल्ला खान यांच्यावर पदाचा गैरवापर केल्याचा आरोप करण्यात आला होता. मात्र, आम आदमी पक्षाने (Aam Aadmi Party) अमानतुल्ला खान हे निर्दोष असल्याचा दावा केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
