एक वाटी रायत्याची किंमत ग्राहकाचा जीव ! हॉटेल मालक अन् कर्मचाऱ्यांच्या मारहाणीत तरुणाचा मृत्यू

रेस्टॉरंटमध्ये अनेक मारामारीच्या घटना घडल्याचे स्थानिकांचे म्हणणे आहे. रेस्टॉरंटचे कर्मचारीही ग्राहकांशी उद्धटपणे वागतात.
A Customer Was Beaten To Death At Hyderabad For Extra Raita
A Customer Was Beaten To Death At Hyderabad For Extra Raita

A Customer Was Beaten To Death At Hyderabads Meridian Biryani Restaurant For Allegedly Asking For Extra Raita:

हैदराबादच्या पुंजागुट्टा येथे जादा रायता मागितल्याच्या आरोपावरून बिर्याणीच्या जॉईंटमध्ये एका ग्राहकाला बेदम मारहाण करण्यात आली. यामुळे ग्राहकाला आपला जीव गमवावा लागला. हैदराबादच्या पुंजागुट्टा येथील प्रसिद्ध मेरिडियन बिर्याणी रेस्टॉरंटमध्ये ही घटना घडली.

ग्राहकाने बिर्याणीसोबत जादा रायता मागितल्याने ग्राहक आणि हॉटेल कर्मचाऱ्यांमध्ये वाद झाला. या वादातून रेस्टॉरंट मालक आणि कर्मचाऱ्यांनी त्याला बेदम मारहाण केल्याचा आरोप आहे.

लियाकत असे मृत्यू झालेल्या ग्राहकाचे नाव आहे. तो हैदराबादमधील चंद्रलोक भागातील रहिवासी असल्याचे सांगण्यात येत आहे. पुंजागुट्टा येथील मेरिडियन बिर्याणी रेस्टॉरंटमध्ये रविवारी रात्री 11 वाजता ही घटना घडली.

रेस्टॉरंटमध्ये अशी घटना घडण्याची ही पहिलीच वेळ नाही. रेस्टॉरंटमध्ये अनेक मारामारीच्या घटना घडल्याचे स्थानिकांचे म्हणणे आहे. या रेस्टॉरंटमुळे परिसरात गाड्या पार्क करून वाहतूक कोंडी निर्माण होत असल्याचेही त्यांनी सांगितले. हॉटेलचे कर्मचारीही ग्राहकांशी उद्धटपणे वागतात.

A Customer Was Beaten To Death At Hyderabad For Extra Raita
"संरक्षण मागण्याचा कोणताही अधिकार नाही," लिव्ह इनमध्ये राहणाऱ्या विवाहित महिलेला कोर्टाने फटकारले

रिपोर्ट्सनुसार, हा ग्राहक रेस्टॉरंटमध्ये आल्यानंतर त्याने बिर्याणीची ऑर्डर दिली. त्याच्या लक्षात आले की रेस्टॉरंटमध्ये बिर्याणीसोबत रायता दिलेला नाही. त्यांनी कर्मचार्‍यांना बिर्याणीबरोबर रायता देण्यास सांगितले, ज्याला कर्मचार्‍यांनी नकार दिला. तो रायता मागत राहिला आणि रेस्टॉरंटचे कर्मचारी आणि मालक यांच्यात वादावादी झाली.

A Customer Was Beaten To Death At Hyderabad For Extra Raita
"स्त्रीच्या प्रतिष्ठेपेक्षा मोठं काहीच नाही"; 12 वर्षांच्या मुलीला गर्भपातासाठी हायकोर्टाची परवानगी, नराधम बापाने केला होता बलात्कार

यानंतर रेस्टॉरंटचे कर्मचारी आणि मालकाने त्या ग्राहकाला रेस्टॉरंटमधील एका खोलीत नेले. आणि खोलीला आतून कुलूप लावून मारहाण करण्यास सुरुवात केली. काही वेळाने पोलीस रेस्टॉरंटमध्ये आले आणि त्यांनी जखमी व्यक्तीला जवळच्या रुग्णालयात दाखल केले. त्यावेळी या रुग्णालयातील डॉक्टरांनी मृत घोषित केले.

पोलिसांनी या प्रकरणाचा तपास सुरू केला आहे. ते रेस्टॉरंटमधील सीसीटीव्ही कॅमेऱ्यांचीही तपासणी करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com