आंध्र प्रदेशातील चित्तूरमध्ये एक मोठा रस्ता अपघात (Bus Accident) समोर आला आहे. येथे काल रात्री बसचा भीषण अपघात झाला, ज्यामध्ये 7 जणांचा मृत्यू झाला, तर 45 जण जखमी झाले आहेत. चालकाच्या निष्काळजीपणामुळे बस खोल दरीत कोसळल्याने हा अपघात झाल्याची माहिती तिरुपती येथिल पोलीस अधिकाऱ्यांनी दिली. तिरुपतीपासून (Tirupati) 25किमी अंतरावर असलेल्या बाकपेटा येथे हा अपघात झाला. जखमींना रुग्णालयात दाखल करण्यात आले असून त्यांच्यावर उपचार सुरू आहेत, अशी प्राथमिक माहितीही त्यांनी दिली आहे.
ही खाजगी बस अनंतपूर जिल्ह्यातील धर्मावरम येथून 52 लोकांना एका लग्नाच्या पार्टीला घेऊन जात होती. चित्तूरमधील (Chittoor) नागरीजवळील गावात ही बस जाणार होती. बस घाट रोडने जात असताना वाहनचालकाचा ताबा सुटला आणि ती अडुपुटप्पी दरीत कोसळली. घटनेची माहिती मिळताच पोलीस, बचाव पथक आणि अग्निशमन दलाच्या जवानांनी बचावकार्य सुरू केले. मात्र, दरी 50 फूट खोल असल्याने आणि रात्रीची वेळ असल्यामुळे अंधारात कारवाईत अडथळे येत होते. तरीही जवानांचे सकाळपर्यंत बचावकार्य सुरूच होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
