High Courts: देशातील सहा उच्च न्यायालयांमध्ये शुक्रवारी 26 न्यायाधीशांची नियुक्ती करण्यात आली, ज्यामुळे उच्च न्यायालयांमध्ये या वर्षात आतापर्यंत नियुक्त झालेल्या न्यायाधीशांची एकूण संख्या 127 वर पोहोचली आहे.
मिळालेल्या माहितीनुसार, यापूर्वीचा विक्रम 2016 मध्ये झाला होता, जेव्हा केंद्राने 126 न्यायाधीशांची नियुक्ती केली होती. नरेंद्र मोदी (Narendra Modi) सरकारच्या पहिल्या कार्यकाळात उच्च न्यायालयांमध्ये या न्यायाधीशांची नियुक्ती करण्यात आली होती. शुक्रवारी अतिरिक्त न्यायाधीश आणि न्यायाधीश म्हणून बढती झालेल्यांमध्ये 20 न्यायिक अधिकारी आणि सहा वकिलांचा समावेश आहे.
दरम्यान, ओरिसा, हिमाचल प्रदेश (Himachal Pradesh) आणि गुवाहाटी या उच्च न्यायालयांमध्ये प्रत्येकी दोन न्यायाधीशांची नियुक्ती करण्यात आली आहे, तर कर्नाटक उच्च न्यायालयात पाच न्यायाधीशांची नियुक्ती करण्यात आली आहे. तेलंगणा उच्च न्यायालयात सहा आणि अलाहाबाद उच्च न्यायालयात (Allahabad High Court) नऊ न्यायाधीशांची नियुक्ती करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
