गेल्या काही दिवसात युवकांनी देशभर तीव्र विरोध दर्शवलेली योजना म्हणजेच अग्निपथ योजना जी केंद्र सरकारने घोषित केली होती. या योजनेबाबत देशाचे नौदल ही अॅक्शनमोडमध्ये आले आहे. कारण नौदलाने नुकतंच या योजनेच्या पार्श्वभूमीवर युवतींसाठी 20 टक्के जागा राखीव असतील अशी घोषणा केली आहे. या युवतींना शारीरिक चाचणी ही उत्तीर्ण करावी लागणार आहे. (20 per cent vacancies in Agniveer recruitment in Indian Navy reserved for women)
मिळालेल्या माहितीनुसार 24 जून रोजी अग्निपथ योजनेंतर्गत हवाई दलात अग्निवीरांच्या भरतीसाठी अर्ज प्रक्रिया सुरू करण्यात आली होती. 5 जुलै ही अर्ज करण्याची शेवटची तारीख आहे. दरम्यान, नौदलाने आणखी एक मोठी घोषणा केली आहे. ज्याअंतर्गत अग्निवीर नौदलाच्या पहिल्या तुकडीत 20 टक्के महिलांची भरती केली जाईल. ते नौदलाच्या विविध भागांमध्ये आणि शाखांमध्ये पाठवले जातील.
SSR आणि अग्निवीर MR पदांसाठी वयोमर्यादा 17 ते 23 वर्षे
भारतीय नौदलात अग्निपथ योजनेअंतर्गत अग्निवीर SSR आणि अग्निवीर MR या पदांसाठी भरती केली जाईल. दोन्ही पदांसाठी वयोमर्यादा 17 वर्षे ते 23 वर्षे आहे. अग्निवीर एसएसआरसाठी गणित आणि भौतिकशास्त्रासह बारावी उत्तीर्ण असणे आवश्यक आहे. याशिवाय अग्निवीर एमआरमध्ये तीन श्रेणी असतील. शेफ स्टीवर्ड आणि हायजिनिस्ट. या पदासाठी अर्ज करण्यासाठी 10वी पास असणे आवश्यक आहे.
भरती प्रक्रिया सुरू झाल्यानंतर काही दिवसांतच 10 हजारांहून अधिक महिला उमेदवारांनी नौदलात अग्निवीर होण्यासाठी नोंदणी केली आहे. नौदलाच्या घोषणेनंतर महिलांचा उत्साह वाढला आहे. मात्र, यासाठी महिलांना 8 मिनिटांत 1.6 किमी धावून शारीरिक चाचणी उत्तीर्ण करावी लागणार आहे. यासोबतच अर्जासाठी महिलांची उंची 152 सेमी असणे आवश्यक आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
