Goa: मासे आणि गोवा; नेमके नाते काय?

Fish in Goa: जगात 22000 जातींचे मासे आहेत. त्यातील 11 टक्के भारतात सापडतात. वीस हजार वर्षांपूर्वी भारतात मासेमारी सुरु झाली होती. आज देशात दोन कोटी मच्छीमार आहेत. आठ किनारी राज्ये, अंदमान निकोबार बेटे, लक्षद्वीप धरून 7500 किलोमीटरस लांब किनारपटटीवर 2200 जातीचे मासे पकडले जातात. म्हणून गोवा, कोंकण, केरळात मासेखाऊंची वेगळीच संस्कृती दिसते.

पण या संस्कृतीची पहिलीवहिली साहित्यिक दखल भारतात घेतली ती मुळ नेरुल, गोव्याच्या , मुंबईत स्थायिक झालेल्या, चित्रकार, संगीतकार, नाट्यलेखक कै.गोपाळकॖषण भोबेंनी. आज पावसाळ्यात टंचाई असली तरी पण विविध मासे कसेबसे मिळवून घरी आस्वाद घेताना 1966 साली प्रकाशित झालेल्या आणि या वर्षी मडगांवचे रसिक उद्योजक दत्ता दामोदर नायक यांच्या पुढाकाराने नवी आवृत्ती निघालेल्या " मासे आणि मी" या गोमंत विद्या निकेतन प्रकाशित पुस्तकाचा परिचय गोमंतकीय शास्त्रज्ञ डॉ. नंदकुमार कामत यांनी खास मासेखाऊंसाठी करून दिला आहे.