अलिकडे काय खळबळत असेल समुद्राच्या पोटात? मानवी विकासाचे सारे हिडीस बाय-प्रॉडक्ट आपल्या तळाशी चुपचाप ठेवत आपल्या बागडणाऱ्या लाटांना तरीही वर्षानुवर्षे तो पाठवत आला आहे किनाऱ्यावर- आपले सौहार्द सांगत. पण वैज्ञानिक म्हणतात, अलीकडच्या वर्षांमध्ये त्याच्या लाटांमधून जाणवायला लागला आहे एक वेगळाच इशारा.
आपण फारच गृहीत धरून चाललो आहोत समुद्राची हद्द. दरवर्षी वाढत्या प्रमाणात होणारा मानवी हस्तक्षेप जेव्हा समुद्राला आपली सीमा पार करण्याला प्रवृत्त करेल तेव्हा माणसांच्या हाल अपेष्टांना पार उरलेला नसेल.
समुद्र केवळ मत्स्य संपत्ती देतो असे नाही तर पृथ्वीच्या हवामानाचेही तो नियंत्रण करतो. आपल्या पाण्याने 70 टक्के पृथ्वी व्यापणारा तो, लाखो प्रजातींचे घर आहे.
अनियंत्रित मासेमारी, त्यात ओतले जाणारे रसायनिक पदार्थ, कचरा यामुळे आम्ही समुद्राला चिंतेच्या पातळीवर आणून सोडले आहे. यावर्षीच्या समुद्र दिनाचे त्यामुळेच युनायटेड नेशनकडून ठरवण्यात आलेले घोषवाक्य आहे- ‘प्लॅनेट ओशन: टाइड्स आर चेंजिंग’.
आजच्या जागतिक समुद्र दिनी, आम्ही आमच्या पापांची जाणीव करून घेऊ व समुद्राबद्दल कृतज्ञता व्यक्त करू आणि त्याच्या बदलणाऱ्या लाटांचा संदेश समजून घेण्याचा प्रयत्न निकराने करू.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.