बँक कर्जाची परतफेड न करता परदेशात पळून गेलेले व्यापारी विजय मल्ल्या (Vijay Mallya), नीरव मोदी (Nirav Modi) आणि मेहुल चोक्सी (Mehul Choksi) यांची 19,111.20 कोटी रुपयांची मालमत्ता आतापर्यंत जप्त करण्यात आल्याचे सरकारने मंगळवारी सांगितले. राज्यसभेत एका प्रश्नाच्या लेखी उत्तरात अर्थ राज्यमंत्री पंकज चौधरी (Pankaj Chaudhary) यांनी सांगितले की, या तिन्ही व्यावसायिकांनी त्यांच्या कंपन्यांच्या माध्यमातून सार्वजनिक क्षेत्रातील बँकांमधून चुकीच्या पद्धतीने पैसे काढून फसवणूक केली आहे. यामुळे सार्वजनिक क्षेत्रातील बँकांचे एकूण 22585.83 कोटी रुपयांचे नुकसान झाले आहे. (Vijay Mallya Nirav Modi and Mehul Choksi have assets worth Rs 19111 crore seized)
मनी लाँडरिंग प्रतिबंधक कायद्यांतर्गत मालमत्ता जप्त केल्या
ते म्हणाले की, '15 मार्च 2022 पर्यंत, यापैकी 19111.20 रुपयांची मालमत्ता मनी लाँडरिंग प्रतिबंधक कायद्याच्या तरतुदींनुसार जप्त करण्यात आली आहे. यापैकी 15,113.91 कोटी रुपयांची मालमत्ता सार्वजनिक क्षेत्रातील बँकांना परतही करण्यात आली आहे. यासोबतच 335.06 कोटी रुपयांची मालमत्ता जप्त करुन भारत सरकारला देण्यात आली आहे.' (Money laundering case news)
केंद्रीय मंत्री पुढे म्हणाले की, ''15 मार्च 2022 पर्यंत, या प्रकरणांमध्ये फसवणूक करुन काढण्यात आलेल्या निधीपैकी 84.61 टक्के रक्कम जप्त करण्यात आली आहे. बँकांच्या एकूण तोट्यापैकी 66.91 टक्के रक्कम बँकांना परत करण्यात आली आहे. विशेष म्हणजे एसबीआयच्या नेतृत्वाखालील बँकांच्या संघाने अंमलबजावणी संचालनालयाने त्यांच्याकडे सोपवलेल्या मालमत्तेची विक्री करुन 7975.27 कोटी रुपये वसूल केले आहेत.''
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
