घर घेणाऱ्यांसाठी दिवाळी गोड, ही बँक देतीय सर्वात स्वस्त कर्ज

सार्वजनिक क्षेत्रातील बँक युनियन बँक ऑफ इंडियाने (Union Bank Of India) या दिवाळीत घर खरेदीदारांना बंपर ऑफर दिली आहे. युनियन बँक ऑफ इंडियाने गृहकर्जाच्या (Home Loan) व्याजदरात कपात करत . बँकेने आपल्या गृहकर्जावरील व्याजदर 6.40 टक्क्यांपर्यंत कमी केले आहेत. यापूर्वी हा दर 6.80 टक्के होता. 27 ऑक्टोबरपासून हर नवीन दर लागू होतील.बँकेने सांगितले की, "या ऑफरचा आमच्या ग्राहकांना सणासुदीच्या काळात फायदा होईल कारण घर खरेदीची वाढती मागणी दिसत आहे." या कमी व्याजदरासह, युनियन बँक ऑफ इंडियाचा गृहकर्ज दर हा उद्योगातील सर्वात कमी दार मानला जात आहे.(Union bank of India cuts home loan rates)

युनियन बँक ऑफ इंडियाने एका निवेदनात म्हटले आहे की त्यांच्या गृहकर्जावरील व्याज दर आता 6.40 टक्क्यांपासून सुरू होईल. बँकेसाठी हा आतापर्यंतचा सर्वात कमी गृहकर्ज दर आहे. बँकेने म्हटले आहे की नवीन कर्जासाठी अर्ज करणाऱ्या ग्राहकांव्यतिरिक्त, त्यांचे विद्यमान कर्ज हस्तांतरित करणाऱ्या ग्राहकांनाही याचा लाभ मिळणार आहे.

युनियन बँक ऑफ इंडियाने आणलेला गृहकर्जासाठीचा 6.40 टक्के हा व्याजदर सर्व बँकांमध्ये सर्वात कमी आहे. आतापर्यंत बँक ऑफ बडोदा आणि बँक ऑफ इंडियाने सणासुदीच्या काळात 6.50 टक्के व्याजदरासह गृहकर्जाच्या ऑफर दिल्या आहेत.मात्र युनियन बँक ऑफ इंडिया ही सर्वात कमी दर आकारात आहे.

सणासुदीचा हंगाम सुरू झाल्याने आणि ग्राहकांना घरखरेदी अधिक परवडणारी व्हावी यासाठी बँकांनी व्याजदरात कपात केली आहे. देशातील मोठ्या बँकांपैकी स्टेट बँक (SBI), ICICI बँक, पंजाब नॅशनल बँक, कोटक महिंद्रा बँक, HSBC, बँक ऑफ बडोदा, कॅनरा बँक, येस बँक या गृहकर्जावर आकर्षक ऑफर देत आहेत. या सर्व बँका गृहकर्जाच्या व्याजदरात भरीव सूट देत आहेत.

यावर्षी प्रथमच , SBI ने क्रेडिट स्कोअर लिंक्ड होम लोन जाहीर केले आहे, जे 6.70 टक्के दराने दिले जात आहे. कर्जाची रक्कम विचारात न घेता, व्याज दर 6.70 टक्के निश्चित केला जातो. यापूर्वी 75 लाखांपेक्षा जास्त गृहकर्ज घेतलेल्या ग्राहकांना 7.15 टक्के व्याज द्यावे लागत होते. आता हेच व्याज 6.70 टक्के झाले आहे.