Senior Citizens Bank FD: देशातील सरकारी आणि खाजगी दोन्ही बँकांकडून ज्येष्ठ नागरिकांना अनेक विशेष सुविधा दिल्या जातात. आता ऑगस्ट महिन्यात ज्येष्ठ नागरिकांसाठी आणखी एक आनंदाची बातमी आली आहे.
ऑगस्ट महिन्यात अनेक बँकांनी व्याजदरात बदल केले आहेत, त्यानंतर ज्येष्ठ नागरिकांना 9% पर्यंत व्याजाचा लाभ मिळत आहे. कोणती बँक तुम्हाला कोणत्या दराने व्याज देत आहे, ते आम्ही तुम्हाला सांगणार आहोत.
दरम्यान, Axis Bank ज्येष्ठ नागरिकांना (Senior Citizens) FD वर 3.5% ते 8.05% दराने 7 दिवस ते 10 वर्षांच्या मुदतीत ठेवींवर व्याज देत आहे. हे दर 14 ऑगस्ट 2023 पासून लागू आहेत. सामान्य ग्राहकांसाठी, बँक एफडीवर 3.5% ते 7.3% दराने व्याज देत आहे. हे व्याजदर 2 कोटी रुपयांपेक्षा कमी एफडीवर लागू आहेत.
फेडरल बँकेच्या मते, ज्येष्ठ नागरिकांना 13 महिन्यांच्या मुदतीच्या FD वर 8.07% दराने व्याज मिळत आहे. त्याचबरोबर सर्वसामान्य नागरिकांना 7.30 टक्के दराने व्याजाचा लाभ मिळत आहे. हे दर 15 ऑगस्ट 2023 पासून लागू आहेत.
कॅनरा बँक (Canara Bank) ज्येष्ठ नागरिकांना बँक एफडीवर 4% ते 7.75% व्याज देत आहे. हे दर 12 ऑगस्ट 2023 पासून लागू आहेत. याशिवाय, बँक 444 दिवसांच्या कालावधीसाठी 5.35% ते 7.90% दराने व्याज देत आहे. याशिवाय बँक 4% ते 7.25% व्याजाचा लाभ सर्वसामान्य नागरिकांना देत आहे.
सूर्योदय SFB ज्येष्ठ नागरिकांना 7 दिवसांपासून ते 10 वर्षांच्या मुदतीच्या FD वर 4.50% ते 9.10% व्याजदराचा लाभ देत आहे. त्याचवेळी, ही बँक 4% ते 8.60% पर्यंतच्या व्याजाचा लाभ सर्वसामान्यांना देत आहे. हे दर 7 ऑगस्टपासून लागू होणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
