The finance ministry said that claims of EPFO members should not be rejected more than once and should be settled within the time:
कर्मचारी भविष्य निर्वाह निधी संघटनेचे सदस्य आणि कर्मचारी पेन्शन फंड (EPF) खातेधारकांना पीएफचे पैसे काढण्यात कोणतीही अडचण येणार नाही, कारण आता EPF कार्यालये सहजासहजी खातेदाराचा क्लेम नाकारू शकणार नाहीत. या संदर्भात नवीन मार्गदर्शक सूचना जारी करण्यात आली आहे.
यामुळे EPFO सदस्यांना पीएफचे पैसे काढताना येणाऱ्या अडचणी आणि वारंवार क्लेम नाकारण्याच्या समस्येपासून दिलासा मिळाला आहे.
अर्थ मंत्रालयाने म्हटले आहे की, EPFO सदस्यांचे क्लेम एकापेक्षा जास्त वेळा नाकारले जाऊ नयेत आणि ते निर्धारित वेळेत निकाली काढले जावेत.
खातेधारकांना क्लेमचे पैसे देण्यास दिरंगाई करणे, मानसिक त्रास देणे अशी प्रकरणे समोर येत असल्याचे सांगण्यात आले. अनेक प्रकरणांमध्ये असे आढळून आले आहे की, क्लेम विशिष्ट कारणास्तव नाकारण्यात आले आणि जेव्हा ते दुरुस्त केल्यानंतर पुन्हा जमा केले गेले, तेव्हा ते इतर/वेगळ्या कारणांमुळे पुन्हा नाकारले गेले. EPFO शी संबंधित सर्व जबाबदार अधिकाऱ्यांनी कोणताही क्लेम फेटाळला जाणार नाही याची खात्री करावी, असे आदेश देण्यात आले आहेत.
ईपीएफ खात्यात जमा केलेली रक्कम अंशतः किंवा पूर्णपणे काढता येते. कर्मचारी निवृत्त झाल्यावर किंवा सलग 2 महिन्यांहून अधिक काळ बेरोजगार राहिल्यास पीएफ निधी काढता येतो. त्याच वेळी, वैद्यकीय इमर्जन्सी , विवाह, गृहकर्ज भरणे इत्यादी परिस्थितीत रक्कमेचा काही भाग काढता येतो.
सर्व प्रथम, EPFO खातेधारकाने त्यांच्या UAN सदस्य पोर्टलवर लॉग इन करावे.
आता वरच्या मेनू बारमधून ऑनलाइन सेवा टॅबवर क्लिक करा आणि ड्रॉप डाउन मेनूमधून क्लेम (फॉर्म-31, 19 आणि 10C) निवडा.
यानंतर तुमची माहिती स्क्रीनवर दिसेल. तुमच्या बँक खात्याचे शेवटचे ४ अंक टाका आणि Verify वर क्लिक करा.
आता हमीपत्रावर स्वाक्षरी करण्यासाठी येस वर क्लिक करा आणि पुढे जा.
आता Proceed for Online Claim पर्याय निवडा.
तुमचा पीएफ निधी ऑनलाइन काढण्यासाठी पीएफ अॅडव्हान्स (फॉर्म 31) निवडा.
यानंतर, फॉर्मचा एक नवीन विभाग उघडेल, ज्यामध्ये तुम्हाला ज्या उद्देशासाठी आगाऊ क्लेम करायचा आहे ते भरावे लागेल आणि आवश्यक रक्कम आणि कर्मचार्‍याचा पत्ता निवडावा लागेल.
आता व्हेरिफायवर टिक करा आणि तुमचा अर्ज सबमिट करा.
तुम्ही ज्या उद्देशासाठी फॉर्म भरला आहे त्यानुसार, तुम्हाला स्कॅन केलेले दस्तऐवज सबमिट करावे लागतील.
तुमच्या कंपनीला तुमची पैसे काढण्याची विनंती स्वीकारावी लागेल, त्यानंतर तुमच्या EPF खात्यातून पैसे काढले जातील आणि पैसे काढण्याचा फॉर्म भरताना तुम्ही एंटर केलेल्या बँक खात्याच्या तपशीलात जमा केले जातील.
ईपीएफओमध्ये नोंदणीकृत तुमच्या मोबाइल नंबरवर एसएमएस पाठवला जाईल. क्लेम प्रक्रिया झाल्यानंतर, रक्कम तुमच्या बँक खात्यात हस्तांतरित केली जाईल. हे पैसे साधारणपणे १५-२० दिवसात येतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.