एअर इंडिया अन् एअर एशियाच्या प्रवाशांसाठी टाटाची खास ऑफर

टाटा समूहाच्या एअर इंडिया (Air India) आणि Air Asia (AAIPL) च्या प्रवाशांसाठी मोठी बातमी आहे. आता या दोन्ही एअरलाइन्स रद्द झाल्या तर प्रवाशांना त्यांचा प्रवास रद्द करावा लागणार नाही.

टाटा समुहाने (Tata Group) म्हटले आहे की, दोन्ही एअरलाइन्सचे कोणतेही फ्लाइट कोणत्याही कारणास्तव निलंबित झाली तर त्यांच्या प्रवाशांना एकमेकांच्या विमानांमध्ये जागा दिली जाईल. एअर इंडिया आणि एअर एशिया इंडिया यांच्यातील परस्पर सहकार्याच्या दिशेने हे पहिले पाऊल आहे. यासाठी, दोन्ही विमान कंपन्यांमध्ये इंटरलाइन, कन्सिडरेशन्स ऑन इरॅग्युलर ऑपरेशन्स (IROPs) करारावर स्वाक्षरी करण्यात आली आहे. हा करार 2 वर्षांसाठी म्हणजेच 9 फेब्रुवारी 2024 पर्यंत लागू असेल.

टाटा समूहाकडे आता 4 एअरलाईन्स

गेल्या महिन्यात एअर इंडिया आणि एअर एशिया एक्स्प्रेसचा ताबा घेतल्यानंतर टाटा समूहाकडे आता एकूण 4 एअरलाईन्स आहेत. त्याच्याकडे आधीच एअर एशिया इंडिया आणि विस्तारा होत्या. एअर इंडियाचे नवीन व्यवस्थापन कंपनीचे कामकाज, कार्यक्षमता आणि गुणवत्ता सुधारण्यावर भर देत आहे, एअर एशिया इंडियासोबत हा करार करण्यात आला आहे.

7 वर्षांपासून भारतात Air Asiaचे उड्डाण

7 वर्षांहून अधिक काळ भारतात Air Asia व्यवसाय करत आहे, परंतु आजपर्यंत त्यांनी एकही आंतरराष्ट्रीय प्रवासी उड्डाण सुरू केलेले नाही. टाटा समूहाची होल्डिंग कंपनी टेल्स प्रायव्हेट लिमिटेडने 8 ऑक्टोबर 2021 रोजी कर्जबाजारी एअर इंडियाला 18,000 कोटी रुपयांना विकत घेण्याची बोली जिंकली होती. आता ही कंपनी टाटा समूहात आली आहे.