![FM Nirmala Sitharaman](http://media.assettype.com/dainikgomantak%2F2023-07%2Fd28b5e8f-e3c6-459c-ae98-136d34c32335%2F____________2023_07_21T160021_204.jpg?w=480&auto=format%2Ccompress&fit=max)
Currency News Update: मोदी सरकारने वेळोवेळी अनेक मोठे निर्णय घेतले आहे. अलीकडेच, सरकारने 2000 रुपयांची नोट चलनातून बाद करण्याचा निर्णय घेतला. आता अर्थ मंत्रालयाने लोकसभेत चलनी नोटांबाबत मोठी गोष्ट सांगितली आहे.
सरकार आता 500 रुपयांची नोट चलनातून बाद करण्याचा निर्णय घेत आहे का...? अर्थ मंत्रालयाने लोकसभेत 500, 1000, 2000 रुपयांच्या नोटांबाबत मोठी अपडेट दिली आहे.
रिझर्व्ह बँकेकडून मिळालेल्या माहितीनुसार, 30 सप्टेंबर 2023 पर्यंत तुम्ही 2000 रुपयांची नोट बदलू शकता.
अर्थ मंत्रालयाने लोकसभेत सांगितले की, बँकांमध्ये (Bank) 2000 रुपयांच्या नोटा बदलण्याची अंतिम मुदत 30 सप्टेंबर 2023 पर्यंत आहे आणि सरकार ती आणखी वाढवण्याच्या कोणत्याही प्रस्तावावर विचार करत नाही.
ब्लॅक मनीला आळा घालण्यासाठी सरकार 500 रुपयांची नोट बंद करणार का?, असा प्रश्न मीडियाने अर्थ मंत्रालयाला विचारला आहे. काळ्या पैशाला आळा घालण्यासाठी सरकार मोठ्या नोटा बंद करत आहे.
सध्या बाजारात 500 रुपयांची नोट सर्वात मोठी आहे, त्यामुळे येत्या काही दिवसांत 500 रुपयांच्या नोटेवरही बंदी घालणार आहात का? त्यावर, अर्थ मंत्रालयाने स्पष्ट केले की, सध्या अशा कोणत्याही योजनेचा विचार करण्यात आलेला नाही.
दुसरीकडे, 2016 मध्ये पहिल्यांदाच मोदी सरकारने (Government) नोटाबंदीसारखा मोठा निर्णय घेतला, ज्यामध्ये 500 आणि 1000 रुपयांच्या नोटा बंद करण्यात आल्या. नोटबंदीच्या या निर्णयाने सर्वसामान्यांना मोठ्या त्रासाला सामोरे जावे लागले.
आता अलीकडेच सरकारने 2000 रुपयांची नोट चलनातून बाद करण्याचा निर्णय घेतला आहे, त्यानंतर सरकार पुन्हा एकदा 1000 रुपयांची नोट परत आणू शकेल का, असा प्रश्न उपस्थित होत आहे. यावरही अर्थ मंत्रालयाने म्हटले आहे की, सध्या अशा कोणत्याही योजनेचा विचार करण्यात आलेला नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.