Reserve Bank of India New Rule: तुम्ही कोणत्याही बँक किंवा NBFC कडून गृहकर्ज घेतले असेल तर ही बातमी तुमच्यासाठी महत्त्वाची आहे. होय, आरबीआयच्या आदेशानंतर 1 डिसेंबरपासून प्रॉपर्टी लोनशी संबंधित नवीन नियम लागू होणार आहेत.
या नियमानुसार, जर तुम्ही प्रॉपर्टीवर कोणत्याही प्रकारचे कर्ज घेतले असेल, तर संपत्तीची कागदपत्रे पूर्ण परतफेडीच्या (Loan Repayment) 30 दिवसांच्या आत ग्राहकाला परत करावी लागतील. बँकेने तसे न केल्यास ग्राहकाला प्रतिदिन 5000 रुपये दंड द्यावा लागेल.
ग्राहकांच्या (Customers) तक्रारी आल्यानंतर रिझर्व्ह बँकेने हा नियम जारी केला आहे. आरबीआयकडे अशा अनेक तक्रारी आल्या ज्यात कर्जफेडीनंतर ग्राहकांना प्रॉपर्टीच्या कागदपत्रांसाठी अनेक महिने फेऱ्या माराव्या लागल्या.
काही प्रकरणांमध्ये प्रॉपर्टीची कागदपत्रे गहाळ झाल्याचेही बँकेने सांगितले. बँकेचे असे दुर्लक्ष पाहता रिझर्व्ह बँकेने हा आदेश जारी केला आहे. जेव्हा एखादी व्यक्ती गृहकर्ज किंवा कोणत्याही प्रकारचे प्रॉपर्टी लोन घेते तेव्हा बँक त्या प्रॉपर्टीची मूळ कागदपत्रे स्वतःकडे ठेवते.
ग्राहकाने कर्जाची परतफेड केल्यानंतर मूळ कागदपत्रे बँकेला परत करावी लागतात. मात्र बँकांच्या निष्काळजीपणाची प्रकरणे समोर आल्यानंतर आरबीआयने हा नियम जारी केला आहे. हा नियम लागू झाल्यानंतर ग्राहकांना दिलासा मिळेल, अशी अपेक्षा आहे.
आरबीआयने (RBI) बँका आणि एनबीएफसींना जारी केलेल्या परिपत्रकात कर्जाची पूर्ण परतफेड केल्याच्या 30 दिवसांच्या आत सर्व कागदपत्रे द्यावी लागतील, असे म्हटले होते. बँक किंवा NBFC द्वारे 30 दिवसांनंतर कागदपत्रे जारी केल्यास बँकेला दंड भरावा लागेल.
दुसरीकडे, कागदपत्रे परत करण्यास उशीर झाल्यास बँक किंवा एनबीएफसीला प्रतिदिन 5 हजार रुपये दंड आकारला जाईल, असे आदेशात म्हटले आहे. दंडाची रक्कम बँक संबंधित मालमत्ताधारकाला देईल.
आरबीआयने अधिसूचनेत असेही म्हटले आहे की, कर्जदाराच्या प्रॉपर्टीची कागदपत्रे हरवल्यास, बँकेला कागदपत्रांच्या डुप्लिकेट प्रती मिळवण्यासाठी ग्राहकाला मदत करावी लागेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
