One Nation One Ration Card: जर तुमच्याकडे राशनकार्ड असेल आणि तुम्ही दर महिन्याला सरकारकडून मोफत राशन घेत असाल तर एक मोठी अपडेट समोर आली आहे.
सरकारने नुकतेच प्रत्येक राशनकार्ड आधारशी लिंक करण्याचे आदेश दिले होते. यासाठी 31 मार्च 2023 ही अंतिम तारीख होती.
आता आधार आणि राशनकार्ड (Aadhaar-Ration Card Link) लिंक करण्याची तारीख 30 जून 2023 पर्यंत वाढवण्यात आली आहे. या तारखेपर्यंत तुम्ही दोन्ही गोष्टी लिंक करुन दीर्घकाळ मोफत राशनचा लाभ घेऊ शकता.
खाद्य आणि सार्वजनिक वितरण विभागाने आधार आणि राशनकार्ड लिंक करण्याची तारीख वाढवण्याची अधिसूचनाही जारी केली आहे.
केंद्र सरकारने आधार-राशनकार्ड लिंक करण्याची अंतिम तारीख 30 जून केली आहे. राशनकार्ड (Ration Card) आणि आधार कार्ड लिंक केल्यानंतर गरजूंना त्यांच्या वाट्याचे धान्य मिळत आहे की नाही याची खात्री करणे सोपे होईल, असा सरकारचा विश्वास आहे.
31 मार्च 2023 पूर्वी आधार आणि राशनकार्ड लिंक करण्यासाठी 31 डिसेंबर 2022 पर्यंत वेळ देण्यात आला होता. शेवटची तारीख वाढवण्याची ही दुसरी वेळ आहे. सरकारने (Government) राशनकार्डला वन नेशन-वन राशन अशी घोषणा केल्यापासून राशनकार्ड आधारशी जोडण्यावर भर दिला जात आहे.
राशनकार्ड आधारशी लिंक केल्यानंतर भ्रष्टाचार आणि अनियमिततेला आळा बसू शकतो. सरकारच्या या उपक्रमाचा परप्रांतीयांना मोठा फायदा होणार आहे.
राष्ट्रीय खाद्य सुरक्षा कायद्यांतर्गत तात्पुरत्या कामाच्या ठिकाणी राशनपासून वंचित असलेले हे लोक सामील होताच, अशा लोकसंख्येला कोणत्याही ठिकाणाहून राशनचा लाभ घेता येईल. तुम्ही राशनकार्डसोबत आधार लिंक ऑनलाइन देखील करु शकता.
तुमच्या राज्याच्या अधिकृत सार्वजनिक वितरण प्रणाली (PDS) पोर्टलवर जा.
सक्रिय कार्डसह आधार लिंक निवडा.
तुमचा राशनकार्ड नंबर टाका आणि त्यानंतर आधार कार्ड नंबर द्या.
तुमचा नोंदणीकृत मोबाईल क्रमांक टाका.
सुरु ठेवा/सबमिट करा बटण निवडा.
आता तुम्हाला तुमच्या मोबाईल फोनवर एक ओटीपी मिळेल.
आधार राशन लिंक पेजवर OTP एंटर करा आणि तुमची विनंती आता सबमिट केली गेली आहे.
प्रक्रिया पूर्ण झाल्यानंतर, तुम्हाला त्याबद्दल माहिती देणारा एसएमएस प्राप्त होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.