PPF Scheme Latest Update: जर तुम्हीही PPF योजनेत गुंतवणूक केली असेल तर तुमच्यासाठी ही महत्त्वाची बातमी आहे. सरकारी योजनांबाबत केंद्र सरकारकडून वेळोवेळी विविध घोषणा केल्या जातात. आता सार्वजनिक भविष्य निर्वाह निधी योजनेसंदर्भात मोठी बातमी समोर येत आहे.
दरम्यान, आजच्या काळात पीपीएफ हा गुंतवणुकीच्या सर्वोत्तम पर्यायांपैकी एक मानला जातो. यामध्ये तुम्हाला भरघोस व्याजासह चांगला परतावा मिळतो, पण आता तुम्हाला तुमच्या पीपीएफ खात्यातून मॅच्युरिटीपूर्वी पैसे काढायचे असतील तर जाणून घ्या नियमांमध्ये काय बदल झाले आहेत-
पब्लिक प्रॉव्हिडंट फंड स्कीममध्ये तुम्हाला कंपाउंडिंगच्या आधारे 7.1 टक्के परतावा मिळतो. असे अनेक वेळा घडते की, तुम्ही पैसे गुंतवता, परंतु हे पैसे आपत्कालीन परिस्थितीत काढावे लागतात, म्हणून आज आम्ही तुम्हाला मॅच्युरिटीपूर्वी खात्यातून पैसे कसे काढू शकता का नाही ते सांगणार आहोत.
त्याचबरोबर, जर तुम्ही वेळेपूर्वी पैसे काढले तर तुम्हाला पैसे काढण्याचे कारण विचारले जाते. विशेष म्हणजे, तुम्हाला पूर्ण रक्कम दिली जात नाही.
सार्वजनिक भविष्य निर्वाह निधीचे देखील स्वतःचे नियम आहेत, त्याच्या नियमांनुसार, तुम्ही 6 वर्षे पूर्ण झाल्यानंतर पैसे काढू शकता आणि 5 वर्षे पूर्ण झाल्यानंतर ते बंद देखील करु शकता.
जर तुम्हाला 6 वर्षापूर्वी काही पैसे काढायचे असतील, तर तुमच्याकडे काढण्याचे वैध कारण असले पाहिजे, तरच तुम्ही तुमचे पैसे काढू शकता.
पैसे काढण्यासाठी तुमच्याकडे वैध कारण असणे आवश्यक आहे. जसे की तुम्हाला कोणत्याही आजारावर उपचार करायचे आहेत किंवा तुम्ही तुमच्या कुटुंबाच्या उपचारासाठी पैसे काढू शकता. याशिवाय, तुम्ही मुलांचे शिक्षण आणि मुलांच्या लग्नासाठीही (Marriage) पैसे काढू शकता.
1. पीपीएफमध्ये पैसे काढण्यासाठी तुम्हाला बँकेच्या अधिकृत वेबसाइटवर जावे लागेल.
2. त्यानंतर तुम्हाला बँकेच्या अधिकृत वेबसाइटवरुन फॉर्म सी डाउनलोड करावा लागेल.
3. फॉर्म भरल्यानंतर तो बँकेत जमा करा.
4. आणि तुमचे PPF खाते बँकेला दाखवा.
5. यानंतर बँक तुमच्या खात्यात जमा झालेल्या पैशांपैकी 50 टक्के रक्कम देईल.
या योजनेत एक व्यक्ती 500 रुपयांपासून सुरुवात करु शकते. त्याचवेळी, आर्थिक वर्षात तुम्ही यामध्ये जास्तीत जास्त 1.5 लाख रुपयांची गुंतवणूक (Investments) करु शकता. इतकंच नाही तर पीपीएफमध्ये तुम्हाला ठराविक कालावधीनंतर कर्ज आणि आंशिक पैसे काढण्याची सुविधाही मिळते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.