Ration Card: जर तुमच्याकडे रेशनकार्ड असेल आणि तुम्ही केंद्राद्वारे चालवल्या जाणाऱ्या मोफत रेशन योजनेचे लाभार्थी असाल तर ही बातमी तुमच्यासाठी महत्त्वाची आहे. होय, पंतप्रधान नरेंद्र मोदी यांनी छत्तीसगडमधील रॅलीमध्ये मोफत रेशन योजनेच्या लाभार्थ्यांसाठी मोठी घोषणा केली आहे.
पीएम मोदींनी रॅलीत सांगितले की, भाजपच्या नेतृत्वाखालील केंद्र सरकार पुढील पाच वर्षांसाठी 80 कोटींहून अधिक गरीब लोकांसाठी मोफत रेशन योजनेचा विस्तार करणार आहे. सरकारी अधिकाऱ्यांच्या मते, सरकारच्या या पावलावर सुमारे 2 लाख कोटी रुपये खर्च येणार आहे.
सध्या, राष्ट्रीय अन्न सुरक्षा कायद्यांतर्गत (NFSA) लाभार्थ्यांना 1-3 रुपये प्रति किलो दराने अन्नधान्य दिले जाते. या योजनेंतर्गत गरीब कुटुंबांना दर महिन्याला प्रति व्यक्ती 5 किलो धान्य दिले जाते. अंतोदय अन्न योजनतर्गंत (AAY) रेशनकार्डधारकांना दरमहा 35 किलो धान्य दिले जाते.
31 डिसेंबर 2023 रोजी PMGKAY ची टाइमलाइन पूर्ण होण्यापूर्वी पंतप्रधानांनी ही घोषणा केली आहे. दरम्यान, कोरोना महामारीच्या (Corona Epidemic) काळात 2020 मध्ये PMGKAY सुरु करण्यात आली. या अंतर्गत, सरकार NFSA कोट्यातील व्यक्तींना 5 किलो धान्य मोफत पुरवते. केंद्राने PMGKAY आणि NFSA योजनांचे विलीनीकरण केले आहे.
दुसरीकडे, सरकारी अधिकाऱ्यांनी मंत्रिमंडळाच्या या निर्णयाचे वर्णन 'देशातील वंचितांना नवीन वर्षाची भेट' असे केले आहे. NFSA अंतर्गत 81.35 कोटींहून अधिक लोकांना अन्नधान्य मिळेल, असे सांगण्यात आले.
ते म्हणाले की, लाभार्थ्यांना धान्यासाठी पैसे देण्याची गरज भासणार नाही. NFSA केंद्राने 2013 मध्ये सुरु केली होती. या अंतर्गत सर्व 36 राज्ये आणि केंद्रशासित प्रदेशांचा समावेश आहे.
अलीकडेच, केंद्रीय मंत्री पियुष गोयल (Piyush Goyal) यांनी संसदेत सांगितले होते की, PMGKAY अंतर्गत, सरकारने राज्ये आणि केंद्रशासित प्रदेशांना सुमारे 1,118 लाख टन अन्नधान्य वाटप केले आहे.
त्याचबरोबर, सर्व टप्प्यांसाठी खाद्यान्न अनुदान आणि केंद्रीय सहाय्यासाठी एकूण मंजूर बजेट सुमारे 3.91 लाख कोटी रुपयांचे असल्याची माहिती त्यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
