Smart Ration Card: होळीनंतर गव्हाची कापणी सुरु होणार असून सरकारने यावेळी 341.5 लाख टन गहू खरेदीचे उद्दिष्ट ठेवले आहे. हा आकडा गेल्या वर्षीच्या 187.9 लाख टनांपेक्षा 153.6 लाख टन अधिक आहे. हे उद्दिष्ट साध्य करण्यासाठी विविध राज्यांच्या अन्न सचिवांची बैठक घेण्यात आली.
यादरम्यान केंद्रीय अन्न मंत्री पियुष गोयल (Piyush Goyal) यांनी सर्व राज्य सरकारांना 'स्मार्ट-पीडीएस' प्रणाली लवकरात लवकर लागू करण्याचे आवाहन केले. वास्तविक, या प्रणालीची पूर्ण अंमलबजावणी झाल्यानंतर कुटुंबातील कोणत्याही सदस्याला 'स्मार्ट राशनकार्ड' दाखवून राशन घेता येणार आहे.
यापूर्वी, 2023-24 या वर्षासाठी, सरकारने (Government) 341.5 लाख टन गहू खरेदीचे उद्दिष्ट ठेवले होते. खरेदी व्यवस्थेबाबत चर्चा करण्यासाठी राज्यांच्या खाद्य सचिवांसोबत झालेल्या बैठकीत हे लक्ष्य निश्चित करण्यात आले. या बैठकीच्या अध्यक्षस्थानी खाद्य सचिव संजीव चोप्रा होते.
तसेच, राज्याच्या खाद्य मंत्र्यांच्या परिषदेच्या निमित्ताने ही बैठक आयोजित करण्यात आली होती. खाद्य मंत्रालयाने एका निवेदनात म्हटले आहे की, 2022-23 (एप्रिल-मार्च) या वर्षासाठी एकूण गहू खरेदीचे लक्ष्य 25 लाख टन, हरियाणा 15 लाख टन आणि मध्य प्रदेश 20 लाख टन असेल.
देशांतर्गत उत्पादनात घट आणि अधिक निर्यातीमुळे गेल्या वर्षी गव्हाच्या खरेदीत घट झाली होती. कृषी मंत्रालयाच्या दुसऱ्या अंदाजानुसार, पीक वर्ष 2023-24 (जुलै-जून) मध्ये गव्हाचे उत्पादन विक्रमी 112.2 दशलक्ष टन राहण्याचा अंदाज आहे.
गव्हाव्यतिरिक्त, सरकारने 2022-23 मध्ये 106 लाख टन रब्बी (हिवाळी) तांदूळ खरेदीचे लक्ष्य ठेवले आहे. यावर्षी 7.5 लाख टन भरडधान्याची खरेदी होण्याचा अंदाज आहे.
स्मार्ट-पीडीएस ही एक अशी प्रणाली आहे, जिथे सार्वजनिक वितरण प्रणालीच्या लाभार्थ्यांना स्मार्ट राशन कार्ड जारी केले जातात. लाभार्थी कुटुंबातील कोणत्याही सदस्याने स्मार्ट राशनकार्ड दाखवल्यानंतर राशन दुकानातून राशन दिले जाते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.