EPFO News: EPFO सदस्यांसाठी महत्त्वाची बातमी. कर्मचारी भविष्य निर्वाह निधी संघटनेच्या (EPFO) सदस्यांच्या पेन्शनमध्ये वाढ करण्याचा प्रस्ताव सरकारने फेटाळला आहे. यानंतर, विद्यमान 1,000 रुपये प्रति महिना पेन्शन वाढवण्याचा कामगार मंत्रालयाचा प्रस्ताव नाकारण्यासाठी संसदीय समिती अर्थ मंत्रालयाकडून स्पष्टीकरण मागणार आहे. मात्र, कामगार मंत्रालयाने प्रस्तावित केलेल्या वाढीची रक्कम माहीत नाही.
ईपीएफओ सदस्यांना धक्का
मिळालेल्या माहितीनुसार, कामगार मंत्रालय आणि EPFO च्या उच्च अधिकार्‍यांनी गुरुवारी बीजेडी खासदार भर्त्रीहरी महताब यांच्या अध्यक्षतेखालील कामगार विषयक संसदीय स्थायी समितीला EPF पेन्शन योजना आणि त्याच्या निधीच्या व्यवस्थापनाबाबत माहिती दिली.
अधिका-यांनी समितीला माहिती दिली की, मासिक पेन्शनमध्ये (Pension) कोणत्याही वाढीचा कामगार मंत्रालयाचा प्रस्ताव वित्त मंत्रालयाने मान्य केला नाही. यानंतर समितीने आता अर्थ मंत्रालयाच्या उच्चपदस्थ अधिकाऱ्यांना बोलावून या विषयावर स्पष्टीकरण मागवण्याचा निर्णय घेतला आहे.
खरेतर, समितीने आपल्या अहवालात सदस्य/विधवा/विधुर पेन्शनधारकांना देय असलेली मासिक पेन्शन किमान 2,000 रुपयांनी वाढवण्याची शिफारस केली होती. वाढती महागाई (Inflation) लक्षात घेऊन समितीने हा प्रस्ताव दिला होता.
पेन्शन योजनेत बदल
विशेष म्हणजे, EPFO ने कर्मचारी पेन्शन योजना 1995 (EPS-95) अंतर्गत सहा महिन्यांपेक्षा कमी कालावधीत सेवानिवृत्त होणाऱ्या कर्मचाऱ्यांच्या ठेवी काढण्यास सहमती दर्शवली आहे. आत्तापर्यंत कर्मचारी भविष्य निर्वाह निधी (EPFO) सदस्यांना सहा महिन्यांपेक्षा कमी सेवा शिल्लक असेल तरच कर्मचारी भविष्य निर्वाह निधी खात्यातून ठेवी काढण्याची परवानगी आहे. या निर्णयाचा अर्थ असा आहे की, आता EPFO चे सदस्य पेन्शन फंडातूनही पैसे काढू शकतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
