OYO To Layoff: आता OYO देणार कर्मचाऱ्यांना नारळ!

OYO To Layoff: कर्मचाऱ्यांना काढून टाकण्याबाबत एकामागून एक बड्या कंपन्यांची नावे आल्यानंतर त्यात आत ओयोचेही नाव जोडले गेले आहे. ओयो सुद्धा आपल्या कर्मचार्‍यांना कमी करणार आहे. कंपनीच्या संरचनेत झालेल्या बदलामुळे ओयो कर्मचाऱ्यांना कमी करण्याचा मार्ग अवलंबत आहे. ओयोने या प्रक्रियेसाठी सुमारे 600 कर्मचाऱ्यांची निवड करण्याची तयारी केली असल्याचा दावा मीडिया रिपोर्ट्समध्ये करण्यात आला आहे.

म्हणजेच, लवकरच कंपनी आपल्या काही कर्मचाऱ्यांना बाहेरचा रस्ता दाखवू शकते. सध्या OYO मध्ये काम करणाऱ्या एकूण कर्मचाऱ्यांची (Employees) संख्या 4000 आहे. याचा अर्थ Oyo आपल्या 15 टक्के कर्मचाऱ्यांना काढून टाकू शकते.

OYO काही नवीन बदल करणार

वास्तविक Oyo कंपनीमध्ये काही नवीन बदल करण्याचा विचार करत आहे. या बदलांतर्गत काही विभागातील कर्मचाऱ्यांची संख्या कमी करण्यात येत आहे, तर काही विभागांचे विलीनीकरणही होऊ शकते. असे मानले जाते की, कंपनी काही नवीन भरती देखील करु शकते. याआधी 2020 मध्येही कंपनी चर्चेत आली होती, जेव्हा कंपनीतून सुमारे 300 कर्मचाऱ्यांना काढून टाकण्यात आले होते.

या विभागातील कर्मचारी कमी होऊ शकतात

अहवालात दावा करण्यात आला की, कंपनीची नजर टेक सेगमेंटमध्ये काम करणाऱ्या कर्मचाऱ्यांवर पडू शकते. कर्मचार्‍यांना काढून टाकण्याव्यतिरिक्त, कंपनी काही नवीन भरती देखील करु शकते.