ओमिक्रॉनचे शेअर बाजारावर सावट; एका दिवसात कोट्यवधींचे नुकसान

भारतातील वाढती ओमिक्रॉन (Omicron) प्रकरण आणि परदेशातील बाजारातून मिळालेले नकारात्मक संकेत यामुळे शेअर बाजारात आज सलग दुसऱ्या दिवशी मोठी घसरण पाहायला मिळाली. आठवड्याच्या पहिल्या व्यवहारात सेन्सेक्स 949 अंकांनी घसरून 56747 च्या पातळीवर तर निफ्टी 284 अंकांच्या घसरणीसह 16912 च्या पातळीवर बंद झाला. शेअर बाजारात आज सर्वत्र घसरण झाली आहे. सर्वात जास्त तोटा आयटी समभागांमध्ये नोंदवला गेला. आजच्या घसरणीमुळे एकाच दिवसात गुंतवणूकदारांचे 4.27 लाख कोटी रुपयांचे नुकसान झाले.

शेअर बाजार पडला:

फेडरल रिझव्‍‌र्हने मागील अंदाजापेक्षा झपाट्याने मदतीचे उपाय मागे घेण्याची चिन्हे आणि देशात ओमिक्रॉनची वाढती प्रकरणे यामुळे शेअर बाजारातील आजची घसरण दिसून आली. Omicron च्या परिणामकारकतेबद्दल अजूनही अनिश्चितता आहे, जरी त्याचा प्रसार वेगाने होत आहे. या कारणास्तव, गुंतवणूकदार आता नफा काढण्यावर भर देत आहेत. यासोबतच आशियाई बाजारातील नरमाईचाही सेन्टमेंटवर दबाव दिसून आला. त्याच वेळी, मोठ्या समभागांमध्ये झालेल्या विक्रीमुळे प्रमुख निर्देशांकावर अधिक परिणाम दिसून आला.

गुंतवणूकदारांचे 4.27 लाख कोटी रुपयांचे नुकसान:

सोमवारच्या व्यवहारात गुंतवणूकदारांचे सुमारे 4.27 लाख कोटी रुपयांचे नुकसान झाले आहे. व्यवहाराच्या शेवटी, BSE वर सूचीबद्ध सर्व कंपन्यांचे एकूण मार्केट कॅप 256.75 लाख कोटी रुपयांवर घसरले. मागील ट्रेडिंग सत्रात हा आकडा 261.02 लाख कोटी रुपयांच्या पातळीवर होता, म्हणजेच एका दिवसात बाजार मूल्यात 4.27 लाख कोटी रुपयांची घट झाली होती. बाजारात सलग दुसऱ्या दिवशी घसरण झाली आहे. यादरम्यान, सेन्सेक्स 58461 च्या पातळीवरून 56747 च्या पातळीवर आला म्हणजेच दोन दिवसांत सेन्सेक्स 1711 अंकांनी घसरला.

गुंतवणूकदारांना सर्वाधिक त्रास:

आजच्या व्यवहारात बाजारात चौफेर पडझड झाली आहे. सर्वात जास्त नुकसान आयटी क्षेत्रातील समभागांमध्ये नोंदवले गेले, आयटी क्षेत्राचा निर्देशांक आज 2.7 टक्क्यांच्या घसरणीसह बंद झाला. त्याच वेळी, इतर सर्व क्षेत्र निर्देशांक 1 टक्क्यांहून अधिक घसरले.

निफ्टीमध्ये समाविष्ट असलेले 49 समभाग आज घसरणीसह बंद झाले. त्याच वेळी, केवळ एका समभागाने वाढ नोंदविली. आज, निफ्टी समभागांमध्ये, फक्त यूपीएल 0.44 टक्क्यांच्या वाढीसह बंद झाले, तर 15 निफ्टी समभाग 2 टक्क्यांहून अधिक घसरणीसह बंद झाले. इंडसइंड बँक 3.7 टक्के, टाटा कंझ्युमर 3.36 टक्के आणि बजाज फिनसर्व्ह 3.27 टक्के घसरणीसह निफ्टीमध्ये सर्वाधिक घसरणीसह बंद झाले.