Nitin Gadkari on Electric Vehical: येत्या एक वर्षात इलेक्ट्रिक वाहनांची किंमत पेट्रोल कारच्या किमतीएवढी असेल, असे केंद्रीय रस्ते वाहतूक आणि महामार्ग मंत्री नितीन गडकरी यांनी म्हटले आहे. ही बातमी कार आणि दुचाकीस्वारांना दिलासा देणारी आहे. दरम्यान, केंद्रीय परिवहन मंत्री नितीन गडकरी यांनी जपानी कार निर्माता टोयोटाच्या फ्लेक्स फ्युएल-स्ट्राँग हायब्रिड इलेक्ट्रिक व्हेईकल (FFV-SHEV) ची पहिली पायलट योजना सुरु केली आहे.
दरम्यान, केंद्रीय मंत्री नितीन गडकरी म्हणाले की, 'तंत्रज्ञान आणि हरित इंधनात झपाट्याने होणारी प्रगती, यामुळे इलेक्ट्रिक ऑटोमोबाईल्सच्या किमती कमी होतील.' म्हणजेच याचा फायदा सर्वसामान्यांना होणार आहे. पुढील एका वर्षात इलेक्ट्रिक वाहनांची किंमत पेट्रोलवर चालणाऱ्या वाहनांच्या किमतीएवढीच असेल. त्यामुळे आगामी काळात क्रांती होऊ शकते, असेही केंद्रीय मंत्री म्हणाले.
प्रदूषणाची पातळी कमी होईल
याशिवाय, नितीन गडकरी (Nitin Gadkari) यांनी रस्ते वाहतूक आणि महामार्ग मंत्रालयाच्या 2022-23 च्या अनुदानाच्या मागण्यांवर लोकसभेत उत्तर देताना सांगितले होते की, 'स्वदेशी इंधनाकडे जाण्याची गरज आहे, लवकरच इलेक्ट्रिक इंधन बनणार आहे. त्यामुळे प्रदूषणाची पातळी कमी होईल. प्रदूषण हे केवळ भारतासमोरच (India) नाही तर जगासमोरील मोठे आव्हान आहे.'
अशी मागणी केंद्रीय मंत्र्यांनी केली
यासोबतच केंद्रीय मंत्री गडकरी यांनी खासदारांना हायड्रोजन तंत्रज्ञानाचा अवलंब करण्याचे आवाहनही केले. खासदारांनी आपापल्या भागातील सांडपाण्याचे पाणी ग्रीन हायड्रोजनमध्ये बदलण्यासाठी पुढाकार घ्यावा, असे आवाहन त्यांनी केले. लवकरच हायड्रोजन हा सर्वात स्वस्त इंधन पर्याय असेल, असेही त्यांनी सांगितले.
शेवटी गडकरी म्हणाले की, 'लिथियम आयन बॅटरीच्या किमती झपाट्याने कमी होत आहेत. आम्ही झिंक-आयन, अ‍ॅल्युमिनियम-आयन, सोडियम-आयन बॅटरी विकसित करत आहोत. जास्तीत जास्त दोन वर्षात इलेक्ट्रिक स्कूटर, कार, ऑटो रिक्षाची किंमत पेट्रोलवर चालणारी स्कूटर, कार, ऑटोरिक्षाच्या बरोबरीत असेल.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
