भारतातील मिड-साइज एसयूव्ही (SUV) सेगमेंटमध्ये सध्या कमालीची स्पर्धा पाहायला मिळत आहे. याच स्पर्धेत आता आघाडीची कार उत्पादक कंपनी 'निसान' (Nissan) एक मोठा धमाका करण्याच्या तयारीत आहे. कंपनी आपली अत्यंत महत्त्वाकांक्षी आणि स्टायलिश SUV 'निसान टेक्टॉन' (Nissan Tekton) भारतीय बाजारपेठेत उतरवत आहे. ही कार थेट ह्युंदाई क्रेटा, किया सेल्टॉस आणि रेनॉल्ट डस्टर सारख्या लोकप्रिय गाड्यांना तगडी फाईट देईल. कंपनीने अधिकृतपणे जाहीर केले आहे की, ९ जुलै २०२६ रोजी या शक्तिशाली SUV ला जगासमोर सादर केले जाईल. निसानसाठी हे मॉडेल भारतीय बाजारपेठेतील त्यांचे स्थान पुन्हा मजबूत करण्यासाठी अत्यंत महत्त्वाचे मानले जात आहे.
निसान टेक्टॉनच्या डिझाईनबद्दल बोलायचे झाले तर, कंपनीने जारी केलेल्या टीझर इमेज आणि डिझाईन स्केचवरून ही कार रफ अँड टफ लुकमध्ये असेल हे स्पष्ट होते. कंपनीच्या जागतिक स्तरावर लोकप्रिय असलेल्या 'पेट्रोल' (Patrol) या फ्लॅगशिप SUV कडून याचे डिझाईन प्रेरित आहे. कारच्या फ्रंटला कनेक्टेड LED DRLs, मोठी आणि रुंद फ्रंट ग्रिल आणि आकर्षक C-शेप लायटिंग सिग्नेचर देण्यात आले आहे. तसेच, स्क्वेअर व्हील आर्चेस आणि उंच बोनेटमुळे या कारला रस्त्यावर चालताना एक जबरदस्त आणि भारदस्त 'रोड प्रेझेन्स' मिळणार आहे.
निसान टेक्टॉनच्या अंतर्गत रचनेत (Cabin) ग्राहकांना लक्झरी अनुभव देण्याचा प्रयत्न कंपनीने केला आहे. सूत्रांच्या माहितीनुसार, या कारमध्ये पॅनोरॅमिक सनरूफ, व्हेंटिलेटेड फ्रंट सीट्स, ड्युअल झोन क्लायमेट कंट्रोल, पूर्णपणे डिजिटल इन्स्ट्रुमेंट क्लस्टर आणि मोठी टचस्क्रीन इन्फोटेनमेंट सिस्टम पाहायला मिळेल. सुरक्षेच्या दृष्टीने यात 'लेव्हल-२ ADAS' (Advanced Driver Assistance Systems) आणि कनेक्टेड कार टेक्नॉलॉजीसारखे अत्याधुनिक फीचर्स समाविष्ट केले जाण्याची दाट शक्यता आहे.
या आगामी SUV मध्ये ग्राहकांना दमदार परफॉर्मन्स देणारे टर्बो-पेट्रोल इंजिन मिळण्याची शक्यता आहे. यामध्ये मॅन्युअल आणि ऑटोमॅटिक अशा दोन्ही गियरबॉक्सचे पर्याय उपलब्ध असतील. कंपनी सध्या निसान मॅग्नाईटच्या वरच्या सेगमेंटमध्ये ही कार पोझिशन करत असून, ग्राहकांना आकर्षित करण्यासाठी याची किंमत अत्यंत स्पर्धात्मक ठेवली जाऊ शकते. ९ जुलै २०२६ रोजी होणाऱ्या अधिकृत पदार्पणात या कारच्या किंमती आणि सर्व वैशिष्ट्यांवरून पडदा उठणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.