Radhika Merchant Networth: मुकेश अंबानींच्या धाकट्या सूनेची नेट वर्थ ऐकून तुम्हीही व्हाल थक्क!

Anant Ambani Wife: दिग्गज उद्योगपती मुकेश अंबानी यांचा धाकटा मुलगा अनंत राधिका मर्चंटसोबत लग्न करणार आहे. 29 डिसेंबर रोजी दोघांचा साखरपुडा झाला आहे. दोघेही लग्नबंधनात अडकून नव्या प्रवासाला सुरुवात करणार आहेत. राधिका ही एन्कोर हेल्थकेअरचे सीईओ वीरेन मर्चंट यांची मुलगी आहे. त्यांना शास्त्रीय नृत्याचीही आवड आहे.

अंबानींच्या घरात लवकरच लग्नाची तयारी सुरु होणार आहे. मुकेश अंबानी यांनी आधीच धाकटा मुलगा अनंतला न्यू एनर्जी बिझनेसमध्ये लॉन्च करण्याची घोषणा केली आहे. तर राधिकाने न्यूयॉर्क विद्यापीठातून शिक्षण घेतले आहे. तर अनंतने अमेरिकेतील ब्राऊन विद्यापीठातून शिक्षण घेतले आहे. पण तुम्हाला माहिती आहे का राधिकाची नेट वर्थ किती आहे. नसेल तर आज आम्ही तुम्हाला हे सांगणार आहोत.

वास्तविक, राधिका एनकोर हेल्थकेअरमध्ये संचालक आहे. तिला पुस्तके वाचण्याची, पोहण्याची आणि नृत्याची खूप आवड आहे. ती खूप स्टायलिशही आहे. सध्या ती कौटुंबिक व्यवसाय सांभाळत असून अनंत हा तिचा बालपणीचा मित्र आहे. 2018 मध्ये एक फोटो व्हायरल झाला होता, त्यानंतर दोघेही चर्चेत आले होते. तिच्या आईचे नाव शैला मर्चंट आहे. राधिका ही तिच्या आई-वडिलांची एकुलती एक मुलगी आहे. मीडिया रिपोर्ट्सनुसार, राधिकाची एकूण संपत्ती 8-10 कोटी रुपये आहे.

कोण आहे राधिका मर्चंट?

राधिकाचा जन्म 18 डिसेंबर 1994 रोजी मुंबईत झाला. तिचे शालेय शिक्षण मुंबईतील (Mumbai) कॅथेड्रल आणि जॉन कॉनन स्कूल आणि इकोले मोंडियाल वर्ल्ड स्कूलमधून झाले. राधिका 28 वर्षांची असून तिने गुरु भावना ठाकर यांच्याकडून भरतनाट्यम शिकले आहे. त्यांचे कुटुंब कच्छचे आहे. अंबानी आणि राधिकाच्या कुटुंबाने यावर्षी जिओ वर्ल्ड सेंटरमध्ये अरंगेत्रम सोहळ्याचे आयोजन केले होते. यामध्ये बॉलिवूड अभिनेता सलमान खान (Salman Khan), रणवीर सिंग, आमिर खान, महाराष्ट्राचे मुख्यमंत्री उद्धव ठाकरे यांच्यासह अनेक राजकीय आणि बॉलिवूडमधील लोक पोहोचले होते.