Pension Scheme: खूशखबर! पेन्शनबाबत संसदेत खुलासा, जाणून घ्या मोदी सरकार पेन्शनची रक्कम कधी वाढवणार?

Pension Scheme Update: देशभरातून पेन्शनबाबत अनेक प्रकारच्या बातम्या येत आहेत. आता केंद्र सरकारने सांगितले आहे की, कर्मचाऱ्यांची पेन्शन कधी वाढणार?

लोकसभेच्या निवडणुकीला अजून वर्षभराचा अवधी आहे हे सर्वांनाच माहीत आहे आणि अशा परिस्थितीत सरकार नोकरदारांना आपल्याकडे आकर्षित करण्यासाठी मोठी घोषणा करु शकते.

यासोबतच सरकार पेन्शनमध्येही (Pension) वाढ करु शकते, अशी अटकळ बांधली जात आहे. यासोबतच ते किमान पेन्शनबाबतही घोषणा करु शकतात. यासंदर्भात सध्या सरकारकडून उत्तर देण्यात आले आहे.

राज्यमंत्र्यांनी लोकसभेत माहिती दिली

मोदी सरकारने (Government) लोकसभेत पेन्शन आणि फॅमिली पेन्शनची किमान रक्कम वाढवण्याची माहिती दिली आहे. कार्मिक राज्यमंत्री जितेंद्र सिंह यांनी लोकसभेत सांगितले की, सध्या असा कोणताही प्रस्ताव नाही. यासोबतच त्यांनी केंद्र सरकारच्या अंतर्गत किमान पेन्शनची रक्कम 9000 रुपये असल्याचे सांगितले आहे.

सरकार किती कोटी रुपये खर्च करते?

यासोबतच कार्मिक राज्यमंत्री जितेंद्र सिंह यांनी सांगितले की, सध्या सुमारे 44,81,245 निवृत्तीवेतनधारक आहेत आणि यापैकी 20,93,462 कुटुंब निवृत्तीवेतनधारकांचाही यात समावेश आहे.

यासोबतच 2022-23 मध्ये सरकारने त्यांच्यावर 2,41,777 कोटी रुपये खर्च केले. सध्या किमान पेन्शनच्या रकमेत वाढ करण्याची सरकारची कोणतीही योजना नाही.

8व्या वेतन आयोगावर स्पष्ट उत्तर

दरम्यान, हा प्रश्नही आजकाल अनेकवेळा समोर आला आहे की, सरकार आठवा वेतन आयोग कधी आणणार आहे, त्याबाबत अर्थ राज्यमंत्री पंकज चौधरी यांनीही माहिती दिली आहे.

8वा वेतन आयोग आणण्याची सरकारची अद्याप कोणतीही योजना नाही. वेतन आयोग 10 वर्षात बदलण्याची परंपरा पाळली जात आहे. सध्या त्यातही बदल करण्याचे नियोजन सुरु आहे.