Mark Zuckerberg in Bloomberg Billionaires Index: रिलायन्स इंडस्ट्रीजचे चेअरमन मुकेश अंबानी यांना फेसबुकचे सीईओ मार्क झुकरबर्ग यांनी मागे टाकत श्रीमंतांच्या यादीत स्थान पटकावले आहे.
ब्लूमबर्ग बिलियनेअर इंडेक्समध्ये अंबानी 12 व्या स्थानावरुन 13 व्या स्थानावर पोहोचले आहेत. Facebook CEO ची संपत्ती एका दिवसात $10.2 अब्जने वाढून $87.3 बिलियन झाली आहे.
तर मुकेश अंबानी (Mukesh Ambani) यांच्याकडे आता 82.4 अब्ज डॉलर एवढी संपत्ती आहे. गुरुवारी अमेरिकेच्या शेअर बाजारातील उसळीमुळे अमेरिकन अब्जाधीशांच्या संपत्तीत मोठी वाढ पाहायला मिळाली. मेटाचे शेअर्स जवळपास 14 टक्क्यांनी वाढून बंद झाले.
दरम्यान, अमेरिकन शेअर बाजारातील प्रमुख निर्देशांक डाऊ जोन्सने 1.57 टक्क्यांनी म्हणजे 524 अंकांची उसळी घेतली आणि 33826 च्या पातळीवर बंद झाला.
त्याचवेळी, S&P 500 मध्ये 1.96 टक्के म्हणजेच 79 अंकांची वाढ झाली. Nasdaq मध्ये सर्वात मोठी झेप 2.43 टक्के होती. तो 287 अंकांनी वाढून 12142 च्या पातळीवर बंद झाला.
त्यामुळे Amazon Inc. मध्ये 4.61 टक्के, Apple मध्ये 2.84 टक्के, Microsoft मध्ये 3.20 टक्के वाढ नोंदवली गेली. टेस्ला इंकचे शेअर्सही जवळपास 65 टक्क्यांनी वाढले.
याचा परिणाम या कंपन्यांशी संबंधित अब्जाधीशांच्या संपत्तीवर झाला आणि त्यात मोठी वाढ नोंदवण्यात आली.
ब्लूमबर्ग बिलियनेअर इंडेक्सच्या टॉप-10 अब्जाधीशांनी गुरुवारी सुमारे $25 अब्ज कमावले. 12 व्या क्रमांकावर असलेल्या झुकरबर्गची कमाई जोडल्यास ती सुमारे $35 अब्ज होईल.
अब्जाधीशांच्या यादीत, बर्नार्ड अर्नॉल्ट $ 208 बिलियनसह पहिल्या, इलॉन मस्क $ 162 बिलियनसह दुसऱ्या आणि जेफ बेझोस $ 133 अब्ज संपत्तीसह तिसऱ्या स्थानावर आहेत.
बिल गेट्स $122 बिलियनसह चौथ्या, वॉरन बफे $115 बिलियनसह 5व्या, लॅरी एलिसन $107 बिलियनसह 6व्या, स्टीव्ह वोलमर $106 बिलियनसह 7व्या स्थानावर आहेत.
लॅरी पेज 99.1 अब्ज डॉलर्ससह आठव्या क्रमांकावर तर सेर्गे ब्रिन 94.7 अब्ज डॉलर्सच्या संपत्तीसह नवव्या क्रमांकावर आहेत.
टॉप-10 मध्ये अमेरिकन अब्जाधीशांचे वर्चस्व आहे. 10 व्या क्रमांकावर फ्रान्सचे फ्रँकोइस बेटेनकोर्ट मेयर्स आहेत, ज्यांची संपत्ती $94.6 अब्ज आहे. अदानी सध्या 21 व्या स्थानावर आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.