Saving Scheme: मोदी सरकारने जनतेच्या हितासाठी अनेक योजना सुरु केल्या आहेत. या योजनांचा लाभ विविध वर्गातील लोकांना मिळत आहे. त्याचवेळी मोदी सरकारने महिलांसाठी एक नवीन योजना सुरु केली आहे.
महिला सन्मान बचत प्रमाणपत्र असे या योजनेचे नाव आहे. विशेषत: महिलांसाठी ही योजना आणण्यात आली असून देशातील महिलांनाही याचा लाभ मिळणार आहे. यातच आता या योजनेची वैशिष्ट्ये काय आहेत ते जाणून घेऊया…
महिला सन्मान बचत प्रमाणपत्र योजना बजेट 2023 मध्ये एक नवीन लहान बचत योजना म्हणून सादर करण्यात आली, विशेषत: महिला गुंतवणूकदारांना गुंतवणुकीला प्रोत्साहन देण्यासाठी डिझाइन करण्यात आली.
सरकारने (Government) 31 मार्च 2023 रोजी जारी केलेल्या राजपत्र अधिसूचनेद्वारे ही योजना लागू केली आहे. या योजनेंतर्गत खाते तुम्ही पोस्ट ऑफिस किंवा कोणत्याही अधिकृत बँकेत उघडू शकता.
महिला सन्मान बचत खाते महिला स्वतःसाठी किंवा अल्पवयीन मुलीच्या वतीने उघडू शकते. महिला गुंतवणूकदारांना (Investors) 31 मार्च 2025 रोजी किंवा त्यापूर्वी फॉर्म - I भरावा लागेल.
गुंतवलेली किमान रक्कम रु. 1000 आहे आणि रु. 100 च्या पटीत रक्कम खात्यात जमा केली जाऊ शकते मात्र, त्यानंतरच्या ठेवींना त्या खात्यात परवानगी दिली जाणार नाही. योजनेंतर्गत गुंतवणुकीची कमाल मर्यादा रु. 2 लाख आहे.
या योजनेअंतर्गत ठेवींवर वार्षिक 7.5 टक्के दराने व्याज दिले जाते. व्याज तिमाहीत चक्रवाढ केले जाईल आणि खात्यात जमा केले जाईल.
ठेवीची रक्कम ठेवीच्या तारखेपासून दोन वर्षांनी मॅच्युअर होते आणि खातेदार त्यावेळी कार्यालयात फॉर्म-2 मध्ये अर्ज सादर करुन शिल्लक रक्कम मिळवू शकतो.
खाते उघडल्याच्या तारखेपासून पहिल्या वर्षानंतर परंतु खाते मॅच्युअर होण्यापूर्वी खातेदार फॉर्म-3 अर्ज सबमिट करुन जास्तीत जास्त 40% रक्कम काढू शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
