भारतातील दुचाकी बाजारपेठेतील अनेक लोकप्रिय कंपन्या पुन्हा एकदा कमबॅक करण्याच्या तयारीत आहेत. नव्वदीच्या दशकातील प्रसिद्ध एलएमएल (Lohia Machinery Limited) स्कूटर देखील पुनरागमनासाठी सज्ज झाली आहे. 1990 च्या दशकात बजाज आणि इतर ऑटोमोबाईल कंपन्यांना आपल्या चमकदार स्कूटर्सने टक्कर देणार्‍या एलएमएलने काही वर्षांपूर्वी दुचाकींचे उत्पादन बंद केले. थांडावलेली विक्री आणि तोटा यामुळे कंपनीने भारतातील आपले कामकाज बंद केले.
लोहिया मशीन्स लिमिटेड (LML) ने 1980 च्या दशकात इटलीच्या पियाजिओसोबत भागीदारी केली. या भागीदारीअंतर्गत, कंपनीने भारतीय बाजारात लोकप्रिय स्कूटर LML Vespa लाँच केली होती. 1999 च्या सुमारास, Piaggio बरोबर भागिदारी संपृष्टात आल्यानंतर कंपनी दिवाळखोरीत निघाली. कंपनीच्या पुनरुज्जीवन योजना अयशस्वी झाल्या अखेर, 2018 मध्ये कंपनीने व्यवसाय बंद केला.
LML आता पुन्हा एकदा नव्या अवतारात रस्त्यावर उतरणार आहे. एसजी कॉर्पोरेट मोबिलिटी या इलेक्ट्रॉनिक्स कंपनीने LML हा ब्रँड विकत घेतला आहे. एसजी कंपनीने अलीकडेच इलेक्ट्रिक टू-व्हीलर सेगमेंटमध्ये प्रवेश केलाय. SG कॉर्पोरेट मोबिलिटी आता LML स्कूटर इलेक्ट्रिक अवतारात सादर करण्यासाठी सज्ज झाली आहे. त्यामुळे लवकरच एलएमएल स्कूटर रस्त्यावर धावताना दिसेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
