Aadhar Update: आधार क्रमांकाशी ई-मेल आयडी लिंक करा आणि गैरवापर टाळा

आधार कार्ड (AADHAAR) हे एक महत्त्वाचे दस्तऐवज आहे. आधार कार्डचा ट्रेंड वाढल्याने त्याचा गैरवापर होण्याच्या घटनाही वाढल्या आहेत. आधारचा गैरवापर करून सायबर गुन्हेगार केवळ आर्थिक फसवणूक करत नाहीत, तर काही गुन्हेगारी कारवायांमध्येही त्याचा वापर करत आहेत. आता तुमचा आधार जिथे वापरला जाईल त्याच वेळी तुम्हाला माहिती मिळू शकेल. यासाठी तुम्हाला थोडेसे काम करावे लागेल.

(Link e-mail ID with Aadhaar number and avoid misuse)

आधार धारकांनी त्यांचा ई-मेल आयडी आधारशी लिंक केल्यास त्यांना मोठा फायदा होईल, असे युनिक आयडेंटिफिकेशन अथॉरिटी ऑफ इंडिया (UIDAI) चे म्हणणे आहे. आधार क्रमांक कोठेही वापरण्यासाठी प्रमाणीकृत केल्यावर, वापरकर्त्याला त्याच वेळी त्याची माहिती मिळेल. जिथे जिथे आधार वापरला जातो तिथे ते प्रमाणीकृत केले जाते. एकदा का ई-मेल आयडी आधारशी लिंक झाला की, त्याच वेळी ई-मेलवर एक संदेश येईल.

लिंक कशी करायची?

UIDAI ने ट्विट केले आहे की आधार कार्डमध्ये तुमचा ई-मेल आयडी अपडेट करण्यासाठी आणि लिंक करण्यासाठी तुम्हाला जवळच्या आधार केंद्रावर जावे लागेल. आजकाल जवळपास प्रत्येक शहरात आधार केंद्रे आहेत. तेथे नवीन आधार तयार करणे आणि अपडेट करणे यासह सर्व काम केले जाते. तुम्हाला तुमच्या जवळच्या आधार केंद्राची माहिती https://bhuvan.nrsc.gov.in/aadhaar/ वर मिळेल.

आधार 10 वर्षांचा आहे तर ते अपडेट करा

युनिक आयडेंटिफिकेशन ऑथॉरिटी ऑफ इंडिया (UIDAI) ने आता अशा लोकांना त्यांच्या आधार कार्डचे सर्व तपशील अपडेट करण्याचा सल्ला दिला आहे, ज्यांचा युनिक आयडी 10 वर्षांपूर्वी तयार करण्यात आला होता आणि त्यांनी या कालावधीत तो कधीही अपडेट केलेला नाही. UIDAI ने आधार कार्ड धारकांना ओळखीचा पुरावा आणि पत्त्याच्या पुराव्याशी संबंधित कागदपत्रे अपडेट करण्याचा सल्ला दिला आहे.

आधार ऑनलाइन आणि ऑफलाइन दोन्ही अपडेट करता येतो. तसे करणे बंधनकारक नसल्याचे UIDAI ने स्पष्ट केले आहे. पण, ते आधारधारकांच्या हिताचे आहे. UIDAI म्हणते की आधार ऑनलाइन अपडेट करण्यासाठी, मायआधार पोर्टलला भेट द्यावी लागेल. त्याचबरोबर आधारधारक आधार केंद्रावर जाऊनही हे काम करू शकतात.