Apple Iphone 17 Series Latest Leaks And Upgrades
iPhone 17 Series Upgrades: अ‍ॅपलने गेल्या वर्षी आयफोन 16 ची सीरीज लॉन्च केली होती. अलिकडेच नवीन आयफोन 16 ई हे सर्वात किफायतशीर मॉडेल म्हणून सादर करण्यात आले. या सीरीजची विक्री अजूनही जोरदारपणे सुरु असताना आयफोन 17 सीरीजच्या चर्चेने जोर धरला आहे.
गेल्या काही वर्षांतील आयफोन लाइनअपमधील सर्वात मोठ्या अपग्रेडची ही चर्चा सुरु असल्याचे सांगितले जात आहे. नवीन आयफोन 17 एअर व्हेरिएंटच्या सुरुवातीपासून ते आयफोन 17 प्रो मॉडेल्ससाठी प्रोफेशनल-लेव्हल कॅमेऱ्यांपर्यंत, डिझाइनमधील बदल, परफॉर्मेंस अपग्रेड आणि नवीन फिचर्सबद्दल सातत्याने माहिती समोर येत आहे. चला तर मग आयफोन 17 सीरीजमध्ये कोणते बदल होऊ शकतात ते जाणून घेऊया...
दरम्यान, यावर्षीच्या आयफोन सीरीजमधील सर्वात मोठा बदल म्हणजे नवीन एअर मॉडेलची एंट्री असणार आहे. अनेक लीक्सनुसार, अ‍ॅपल त्यांच्या आयफोन 17 लाइनअपमध्ये आयफोन 17 एअर नावाचे एक नवीन मॉडेल सादर करणार आहे. हे नवीन मॉडेल आतापर्यंतचे सर्वात स्लीम साईजमधील आयफोन (IPhone) असल्याचे म्हटले जाते. जो मॅकबुक एअर आणि आयपॅड एअर सारख्या इकोसिस्टममधील इतर एअर मॉडेल्सच्या फॉर्म फॅक्टरनंतर येते.
आयफोन 17 आणि आयफोन 17 एअरमध्ये अ‍ॅपलच्या नवीन A19 सीरीज चिप असण्याची शक्यता आहे, जी TSMC च्या 3nm N3P प्रोसेसवर तयार करण्यात आली आहे. या चिपमुळे, परफॉर्मन्स नेक्स्ट लेव्हलपर्यंत पोहोचेल. एवढचं नाहीतर ती बॅटरीचे लाईफही वाढवेल.
आयफोन 17 सीरीजमधील आणखी एक मोठे अपग्रेड म्हणजे सर्व मॉडेल्समध्ये प्रोमोशन टेक्नॉलॉजी असणार आहे. अ‍ॅपल सध्या प्रो मॉडेल्सवर फक्त 120 हर्ट्झ रिफ्रेश रेट देते. तथापि, रेग्युलर आयफोन 17 आणि आयफोन 17 एअरसह नवीन आयफोन्सना स्मूथ स्क्रोलिंग, गेमिंग आणि व्हिडिओ प्लेबॅकसाठी 120 हर्ट्झ रिफ्रेश रेट मिळण्याची अपेक्षा आहे.
आयफोन 17 सीरीजमध्ये सर्वात मोठे अपग्रेड कॅमेरा असू शकतात. आयफोन 17 प्रो मॅक्समध्ये तीन 48-मेगापिक्सेल कॅमेरे असण्याची शक्यता आहे- वाइड, अल्ट्रा-वाइड आणि टेलिफोटो, ज्यामुळे तो तीन हाय-रिझोल्यूशन सेन्सर असलेला पहिला आयफोन बनेल. दरम्यान, आयफोन 17 एअरमध्ये नवीन डिझाइनसह 48-मेगापिक्सेलचा रिअर कॅमेरा असल्याचे म्हटले जात आहे. याव्यतिरिक्त, किमान एका आयफोन 17 मॉडेलमध्ये मेकॅनिकल व्हेरिएबल एपर्चर असण्याची अपेक्षा आहे, ज्यामुळे यूजर्संना डीएसएलआर सारख्या फोटोग्राफीसाठी डेप्थ ऑफ फील्ड सेट करता येईल.
आयफोन 17 एअरमध्ये अ‍ॅपलचा इन-हाऊस 5जी मॉडेम असू शकतो, जो त्याच्या स्लीम फॉर्म फॅक्टरमध्ये बसण्यासाठी डिझाइन केलेला आहे. दरम्यान, इतर मॉडेल्सना अजूनही क्वालकॉमच्या मोडेमवर अवलंबून राहण्याची अपेक्षा आहे. याव्यतिरिक्त, सर्व आयफोन 17 मॉडेल्समध्ये अ‍ॅपलची कस्टम वाय-फाय 7 चिप असेल, जी जलद इंटरनेट (Internet) स्पीड, कमी विलंब आणि चांगली कनेक्टिव्हिटी प्रदान करेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.