Indian Railway Concession For Senior Citizen: केंद्र सरकारचा अर्थसंकल्प येण्यास अवघे काही दिवस उरले आहेत. सर्वसामान्यांपासून ज्येष्ठ नागरिकांपर्यंत सर्वांनाच या अर्थसंकल्पाकडून खूप अपेक्षा आहेत. यावेळी सरकार रेल्वे भाड्यात सवलत जाहीर करु शकते. ज्येष्ठ नागरिकांना रेल्वे भाड्यात दिलेली सूट या अर्थसंकल्पात (Budget 2023) बहाल केली जाऊ शकते. याबाबत शासनाकडून नियोजन करण्यात येत आहे.
आगामी अर्थसंकल्पात (Budget) ज्येष्ठ नागरिकांना रेल्वे भाड्यात सवलत मिळू शकते. याबाबत रेल्वेमंत्री अश्विनी वैष्णव यांनी अद्याप कोणतीही घोषणा केलेली नाही. यासोबतच कोणतेही आश्वासन दिलेले नसून, यंदाचा अर्थसंकल्प विशेष ठरु शकतो, अशी आशा सर्वसामान्यांना आहे.
यावेळी, रेल्वेच्या उत्पन्नात प्रचंड वाढ झाली आहे. रेल्वेने जारी केलेल्या आकडेवारीनुसार, एप्रिल 2022 ते डिसेंबर 2022 दरम्यान म्हणजेच अवघ्या 9 महिन्यांच्या कालावधीत रेल्वे भाड्यातून 48,913 कोटी रुपये कमावले आहेत.
याशिवाय, याच कालावधीतील गेल्या वर्षीच्या आकडेवारीवर नजर टाकली तर त्यात 71 टक्के वाढ झाली आहे. रेल्वेच्या उत्पन्नात बंपर वाढ झाल्यानंतर यावेळी ज्येष्ठ नागरिकांना (Senior Citizens) रेल्वे भाड्यात सवलत मिळेल, अशी अपेक्षा आहे.
लोकसभेत रेल्वे तिकिटावर रेल्वे पुन्हा सवलत देणार का, असा प्रश्न रेल्वेमंत्र्यांना रेल्वे सवलतीबाबत विचारण्यात आला. यावर रेल्वेमंत्री अश्विनी वैष्णव यांनी सांगितले की, 2019-20 मध्ये रेल्वेने प्रवाशांच्या तिकिटांवर 59,837 कोटी रुपयांची सबसिडी दिली आहे. याशिवाय, स्लिपर आणि थर्ड एसी प्रवास करणाऱ्या ज्येष्ठ नागरिकांना रेल्वे तिकिटात सवलत देण्याची सूचना संसदेशी संलग्न स्थायी समितीने केली आहे.
रेल्वे मंत्रालयाकडून मिळालेल्या माहितीनुसार, ट्रेनमधून प्रवास करणाऱ्या सर्व नागरिकांना भाड्यात सरासरी 53 टक्के सवलत मिळते. यासोबतच दिव्यांगजन, विद्यार्थी आणि रुग्णांना या सूटशिवाय अनेक प्रकारच्या सवलती मिळतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
