कोरोना महामारीशी लढण्यासाठी, सरकारने नोकरदार लोकांना ईएफपी (EFP) कोविड ॲडव्हान्स घेण्याची सुविधा दिली आहे. आता 6 कोटी ईपीएफ ग्राहकांसाठी आणखी एक दिलासादायक बातमी आहे. कोणी नोकरी गमावली असतानाही याचा फायदा घेता येतो.
नोकरी गमावल्यानंतरही कोविड ॲडव्हान्स मिळणार
कर्मचारी भविष्य निर्वाह निधी संघटनेने ईपीएफओ (EPFO) सदस्याने नोकरी सोडल्यानंतरही कोविड ॲडव्हान्सचा लाभ घेण्याची परवानगी दिली आहे. ईपीएफओने दिलेल्या या सवलतीनुसार, जर एखाद्या सदस्याची नोकरी गेली असेल आणि तो अजूनही नोकरीच्या शोधात असेल, तर या काळात तो कोविड ॲडव्हान्स (PF Covid Advance) म्हणून पीएफ निधीचा काही भाग काढू शकतो.
एवढी मिळणार रक्कम
कर्मचारी मूळ वेतन आणि महागाई भत्त्याच्या रकमेपर्यंत किंवा सदस्याच्या ईपीएफ खात्यात जमा केलेल्या रकमेच्या 75 टक्के पर्यंत, जे कमी असेल ते 3 महिन्यांसाठी पीएफ काढू शकतो. पीएफ शिल्लकमध्ये कर्मचारी आणि कंपनी दोघांचे योगदान समाविष्ट आहे. त्याच्या योगदानावर प्राप्त व्याज देखील यात समाविष्ट आहे.
पीएफ ॲडव्हान्सचा अर्ज करण्यासाठी, कर्मचारी ईपीएफ इंडियाच्या वेबसाइटवर लॉग इन करून तसेच तुमच्या फोनवरून पोर्टलद्वारे अर्ज करून हे काम करू शकतो. सर्वात महत्त्वाचे म्हणजे, जरी तुम्ही वैद्यकीय किंवा इतर कोणत्याही गरजांसाठी आधी पीएफ ॲडव्हान्स घेतला असला तरीही तुम्ही हे ॲडव्हान्स घेऊ शकता. ईपीएफओने म्हटले आहे की, ईपीएफ योजनेअंतर्गत मिळालेले कोणतेही ॲडव्हान्सवर इनकम टॅक्स नाही लागत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
