HDFC Bank MCLR Rate: तुम्हीही HDFC बँकेचे ग्राहक असाल तर ही बातमी वाचून तुम्हाला धक्का बसेल. होय, बँकेने मार्जिनल कॉस्ट ऑफ फंड बेस्ड लेंडिंग रेट (MCLR) दरात पुन्हा एकदा वाढ केली आहे.
बँकेने MCLR दर 0.05 टक्क्यांवरुन 0.15 टक्के करण्याचा निर्णय घेतला आहे. बँकेच्या अधिकृत वेबसाइटवर दिलेल्या माहितीनुसार, नवीन दर 8 मे 2023 पासून लागू झाले आहेत.
MCLR दर वाढल्याने थेट होम लोन आणि कार लोनच्या EMI वर परिणाम होईल. यामुळे, भविष्यात तुम्ही लोन घेतल्यास, तुम्हाला हप्त्याच्या स्वरुपात (EMI) जास्त पैसे द्यावे लागतील.
HDFC बँकेच्या (HDFC Bank) मते, वन नाइसाठी MCLR दर 7.95% वर गेला आहे. त्याचवेळी, हा दर एका महिन्यासाठी 8.10% आणि तीन महिन्यांसाठी 8.40% असेल. सहा महिन्यांसाठी MCLR दर 8.80 टक्के आहे.
त्याचप्रमाणे, ते एका वर्षासाठी 9.05% आणि दोन वर्षांसाठी 9.10% आहे. MCLR दर तीन वर्षांसाठी 9.20% पर्यंत वाढला आहे. MCLR वाढवण्याचा अर्थ असा आहे की, तुम्हाला बँकेकडून मिळणारे लोन महाग होईल.
जर तुम्ही आधीच होमलोनचे हप्ते भरत असाल तर यामुळे तुमचा ईएमआय वाढेल आणि तुम्ही कार लोन घेण्याचा विचार करत असाल तर तुम्हाला पूर्वीपेक्षा जास्त व्याज द्यावे लागेल.
दुसरीकडे, बँकेने केलेली ही वाढ फ्लोटिंग व्याजदरावर (Interest Rate) लागू आहे. त्याचा निश्चित व्याजदरावर कोणताही परिणाम होत नाही. MCLR हा किमान व्याजदर आहे, ज्याच्या खाली कोणतीही बँक ग्राहकांना लोन देत नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.