HDFC Bank Hikes MCLR: HDFC ग्राहकांसाठी एक धक्कादायक बातमी आहे. एचडीएफसी बँकेने सर्व प्रकारच्या कर्जावरील व्याजदरात वाढ केली आहे. बँकेकडून मिळालेल्या माहितीनुसार, HDFC बँकेने सर्व कर्ज कालावधीसाठी निधी आधारित मार्जिनल कॉस्ट ऑफ फंड्स बेस्ड लॅंडिंग रेट (MCLR) 5-10 बेस पॉइंट्स (bps) ने वाढवला आहे.
HDFC ग्राहकांना मोठा झटका
ही वाढ 8 ऑगस्ट 2022 पासून लागू झाली आहे. रिझर्व्ह बँक ऑफ इंडियाने (RBI) रेपो रेटमध्ये 50 बेसिस पॉइंट्स (0.50 टक्के) वाढ जाहीर केल्यानंतर बँकेने हा निर्णय घेतला आहे. ऑगस्टमध्ये आरबीआयच्या एमपीसीच्या बैठकीत महागाई (Inflation) नियंत्रित करण्याच्या उद्देशाने असा निर्णय घेण्यात आला होता.
RBI ने रेपो दरात वाढ केली
महत्त्वपूर्ण म्हणजे, केंद्रीय बँकेचे गव्हर्नर शक्तीकांत दास (Shaktikanta Das) यांनी शुक्रवारी, 5 ऑगस्ट रोजी चलनविषयक धोरण समितीच्या बैठकीत (RBI MPC मीटिंग टुडे) रेपो दरात 0.50 टक्के वाढीची घोषणा केली होती. या वाढीनंतर रेपो रेट 5.40 टक्के झाला. या वर्षी RBI ने सलग तिसऱ्यांदा रेपो रेट वाढवला आहे.
रेपो रेटमध्ये वाढ
यापूर्वी मे 2022 मध्ये आरबीआयने (RBI) अचानक रेपो रेटमध्ये 0.50 टक्क्यांनी वाढ केली होती. यानंतर, जून 2022 च्या एमपीसीच्या बैठकीत रेपो रेटमध्ये 0.40 टक्क्यांनी वाढ करण्यात आली. अशाप्रकारे मे महिन्यापासून रेपो रेटमध्ये एकूण 1.40 टक्के वाढ झाली आहे. या वाढीमुळे तुमचे होम लोन, कार लोन आणि पर्सनल लोन म्हणजेच बँकेकडून घेतलेली सर्व प्रकारची कर्जे महाग होतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
