GST Council Meeting: जीएसटी परिषदेची 50 वी बैठक 11 जुलै रोजी नवी दिल्लीतील विज्ञान भवनात होणार आहे. जीएसटी परिषदेने ट्विट केले की, जीएसटी परिषदेची 50 वी बैठक 11 जुलै 2023 रोजी विज्ञान भवन, नवी दिल्ली येथे होणार आहे.
अर्थमंत्री निर्मला सीतारामन यांच्या अध्यक्षतेखालील परिषदेत राज्यांच्या अर्थमंत्र्यांचा समावेश असणार आहे. माहितीनुसार, बनावट नोंदणी आणि इनपुट टॅक्स क्रेडिटचे क्लेम रोखण्यासाठी परिषद कठोर पावले उचलू शकते.
याशिवाय, परिषद ऑनलाइन गेमिंग, कसिनो आणि होर्सरेसवरील GOM अहवालावर चर्चा करेल.
दरम्यान, GST अंतर्गत नोंदणीकृत बनावट कंपन्या आणि व्यावसायिकांवर कारवाई करणे, बनावट ITC क्लेम रोखणे आणि सर्व कंपन्यांसाठी एड्रेस जिओटॅगिंग अनिवार्य करणे यासाठी काम सुरु आहे.
देशाची राजधानी दिल्ली आणि हरियाणामध्येही (Haryana) त्याचा पायलट प्रोजेक्ट सुरु झाला आहे. त्याचा वापर कोणत्याही व्यवसायाच्या ठिकाणाची पडताळणी करण्यास मदत करेल.
खरे तर, अशी काही प्रकरणे समोर आली आहेत, ज्यात एड्रेस बनावट असल्याचे समोर आले आहे. पडताळणी दरम्यान, 12500 बनावट कंपन्या आढळून आल्या आहेत, ज्यांचे जागेवर कार्यालयही नाही.
त्याचवेळी, रिस्की कंपन्यांसाठी बायोमेट्रिक प्रमाणीकरण देखील आवश्यक असेल. सध्या, प्रमाणीकरण केवळ आधार आणि पॅनद्वारे ओटीपी आधारित आहे.
नोव्हेंबर 2020 पासून विशेष मोहिमेत, केंद्रीय एजन्सींनी 62,000 कोटी रुपयांचे बोगस ITC क्लेम शोधून काढले आहेत आणि व्यावसायिकांसह 776 लोकांना अटक केली आहे.
ऑनलाइन गेमिंग, कसिनो आणि होर्सरेसवरील GOM अहवालावरही परिषद चर्चा करेल आणि लवकरच तो राज्यांना पाठवेल. जीओएमने गेल्या वर्षी डिसेंबरमध्ये परिषदेला आपला अहवाल सादर केला, परंतु परिषदेने तो चर्चेसाठी घेतला नाही.
जीएसटी अपीलीय न्यायाधिकरण स्थापन करण्याची मागणी बऱ्याच दिवसांपासून केली जात आहे, यावरही परिषदेच्या बैठकीत चर्चा होऊ शकते. हे न्यायाधिकरण अप्रत्यक्ष कर खटल्यांचे ओझे कमी करु शकते.
जीएसटी कौन्सिलच्या मंजुरीनंतर केंद्र लवकरच सदस्यांची नियुक्ती करेल. सध्या टॅक्स अधिकाऱ्यांच्या निर्णयावर असमाधानी असलेले करदाते संबंधित उच्च न्यायालयात (High Court) जातात. त्यानंतर ठराव प्रक्रियेलाही बराच वेळ लागतो आणि त्यांच्याकडे जीएसटी प्रकरणे हाताळण्यासाठी विशेष खंडपीठही नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
