मोबाईल बँकिंग वापरताय? वन प्लस, सॅमसंग, गुगल पिक्सल यूजर्संना सरकारची महत्त्वाची सूचना

Mobile Banking: जर तुम्ही Google Pixel, Samsung आणि OnePlus स्मार्टफोनवरुन ऑनलाइन बँकिंग करत असाल तर सावधान... कारण सरकारने या ब्रँडच्या स्मार्टफोन वापरकर्त्यांसाठी अलर्ट जारी केला आहे.

इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत काम करणार्‍या इंडियन कॉम्प्युटर इमर्जन्सी रिस्पॉन्स टीम (CERT-In) नुसार, Google Pixel, Samsung आणि OnePlus ऑपरेटिंग सिस्टम आधारित स्मार्टफोन्स सारख्या Android स्मार्टफोन वापरकर्त्यांना धोका आहे.

या स्मार्टफोनमध्ये अनेक कमतरता निदर्शनास आल्या आहेत. या स्मार्टफोन वापरकर्त्यांचा वैयक्तिक डेटा ऑनलाइन ऍक्सेस केला जाऊ शकतो.

ऑनलाइन बँकिंग वापरकर्त्यांसाठी धोका

अहवालानुसार, भारत (India) एक मोठी डिजिटल बाजारपेठ आहे, जिथे ऑनलाइन पेमेंटसाठी अँड्रॉइड ऑपरेटिंग सिस्टम आधारित स्मार्टफोनचा वापर केला जातो. हे Google च्या मालकीचे OS आहे.

आयफोन सोडला तर, जगातील बहुतेक स्मार्टफोन जसे की, Google, Samsung, OnePlus आणि Nothing या Google आधारित ऑपरेटिंग सिस्टमवर चालतात.

अशा स्थितीत या सर्व स्मार्टफोनचे लोकेशन, बँकिंग डिटेल्ससह अनेक संवेदनशील माहिती ट्रॅक करता येऊ शकते.

कोणत्या स्मार्टफोनला धोका आहे?

जर तुमचा स्मार्टफोन Google ऑपरेटिंग सिस्टम व्हर्जन 11, 12, 12L, 13 वर काम करत असेल तर तुम्हाला धोका आहे. हे टाळण्यासाठी तुम्हाला नवीन सॉफ्टवेअर अपडेट करावे लागेल.

अनेक लोक वेळोवेळी आपला फोन अपडेट करत नाहीत, अशा लोकांसाठी धोका ठरु शकतो. सरकारने (Government) फक्त जुन्या व्हर्जनच्या स्मार्टफोन्ससाठी इशारा दिला आहे.

कसे अपडेट करावे

सर्वात आधी तुम्ही Settings या पर्यायावर जावे.

यानंतर तुम्हाला सॉफ्टवेअर अपडेट सेक्शनमध्ये जावे लागेल.

तुमचे सॉफ्टवेअर अपडेट केलेले नसेल तर ते डाउनलोड करावे लागेल.