Budget 2023: अर्थमंत्री निर्मला सीतारामन 1 फेब्रुवारीला देशाचा अर्थसंकल्प सादर करणार आहेत. या अर्थसंकल्पाकडून सर्वांनाच मोठ्या अपेक्षा आहेत. या सर्व परिस्थितीत सरकार यावेळी पीएलआय योजनेचा विस्तार करु शकते. सरकार आगामी अर्थसंकल्पात खेळणी, सायकल, चामडे आणि पादत्राणे यांच्या निर्मितीसाठी आर्थिक सवलती जाहीर करु शकते.
उच्च रोजगार असलेल्या क्षेत्रांना उत्पादन आधारित प्रोत्साहन (पीएलआय योजना) योजनेचा लाभ देण्यासाठी याचा विस्तार केला जाऊ शकतो, असा विश्वास सूत्रांनी व्यक्त केला आहे. वाहने आणि वाहनांचे पार्ट, मोठी इलेक्ट्रॉनिक उपकरणे, फार्मास्युटिकल्स, कापड, खाद्य उत्पादने, उच्च कार्यक्षमता सोलर पीव्ही मॉड्यूल्स, प्रगत रासायनिक सेल आणि स्टील यासह एकूण 14 क्षेत्रांमध्ये सरकारने (Government) सुमारे 2 लाख कोटी रुपयांची PLI योजना आधीच लागू केली आहे.
या क्षेत्रातील देशांतर्गत उत्पादकांना स्पर्धात्मक आणि जागतिक बाजारपेठेत 'चॅम्पियन' बनवण्याचा या योजनेचा उद्देश असल्याचे सूत्रांनी सांगितले. खेळणी आणि चामड्यांसारख्या विविध क्षेत्रांसाठी पीएलआय योजनेचा विस्तार करण्याचा प्रस्ताव मंजुरीच्या अंतिम टप्प्यात असून, तो अर्थसंकल्पात आणला जाण्याची शक्यता आहे.
या दोन लाख कोटी रुपयांपैकी काही रक्कम शिल्लक असल्याचे एका सूत्राने सांगितले. हे इतर क्षेत्रांमध्ये लागू केले जाऊ शकते. अर्थमंत्री निर्मला सीतारामन (Nirmala Sitharaman) 1 फेब्रुवारी रोजी 2023-24 या आर्थिक वर्षाचा सर्वसाधारण अर्थसंकल्प सादर करणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
