Subsidy on LPG Cylinder: सरकारकडून जनतेसाठी अनेक प्रकारच्या योजना राबवण्यात येत आहेत. यातच, ज्यांच्याकडे गॅस कनेक्शन आहे त्यांच्यासाठी एक मोठी खूशखबर आहे. सरकारकडून एलपीजी सिलिंडरवर सबसिडी पुन्हा सुरु होऊ शकते, अशी बातमी आहे.
पेट्रोलियम आणि नैसर्गिक वायू मंत्रालयाच्या ऊर्जा संक्रमण समितीच्या अहवालात वर्षाला सात ते आठ सिलिंडरवर सबसिडी देण्याची शिफारस करण्यात आली आहे. अशा परिस्थितीत सरकार याबाबत लवकरच निर्णय घेईल, अशी शक्यता आहे.
एका प्रतिष्ठित वृत्तपत्रात एलपीजी सिलिंडरवरील सबसिडी पुन्हा सुरु करण्यासंदर्भात प्रसिद्ध झालेल्या बातम्यांनुसार, सरकार (Government) सबसिडी देण्याबाबत पुनर्विचार करु शकते.
'प्रधानमंत्री उज्ज्वला योजना' मोदी सरकारने 2016 मध्ये सुरु केली होती. तेव्हापासून, सप्टेंबर 2022 पर्यंत, 9.5 कोटी अल्प उत्पन्न कुटुंबांना एलपीजी कनेक्शन देण्यात आले आहेत. आज देशातील 30 कोटी घरांमध्ये एलपीजीचा वापर केला जात आहे.
अहवालात असेही सांगण्यात आले आहे की, एलपीजीच्या उच्च किंमतीमुळे देशातील 85 टक्के कुटुंबे स्वयंपाकासाठी एलपीजी वापरण्यास सक्षम नाहीत.
कोरोना महामारीच्या आधी सरकारकडून वर्षाला 12 सिलिंडरवर सबसिडी दिली जात होती. मात्र आता आठ सिलिंडरवर एलपीजी सबसिडी देण्याची चर्चा आहे.
अनुदानित एलपीजी सिलिंडरची संख्या कमी केल्याने, सरकारकडून दिल्या जाणाऱ्या अनुदानाच्या एकूण रकमेत 13 ते 15 टक्क्यांनी घट होईल.
तसेच, घरात स्वयंपाकासाठी वर्षाला आठ सिलिंडर लागतात. अहवालात पूर्वीप्रमाणेच श्रीमंतांच्या वतीने सबसिडी (Subsidy) सोडण्याबाबत सांगितले आहे.
याशिवाय, एका कुटुंबाने वर्षाला तीन सिलिंडर घेतल्यास त्यांना चार ते सात सिलिंडर घेणाऱ्यांपेक्षा अधिक अनुदान दिले जाईल, असेही सांगण्यात आले आहे.
देशातील तीन चतुर्थांश कुटुंबांकडे अजूनही एलपीजी कनेक्शन नाही. या कुटुंबांचे मासिक उत्पन्न 10,000 रुपयांपेक्षा कमी आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.