Gold Price Today In India: गेल्या आठवड्याच्या शेवटच्या दिवशी दिल्ली सराफा बाजारात सोन्याच्या किमतीत मोठी तेजी दिसून आली होती. आता पुन्हा एकदा सोन्याच्या किमतीने नवा विक्रमी उच्चांक गाठला. शनिवार आणि रविवारी बाजारपेठा बंद राहिल्या. सोमवार आणि मंगळवारी सोन्याच्या किमतीत 260 रुपयांची घसरण झाली होती. मात्र बुधवारी सोन्याच्या किमतीत पुन्हा एकदा वाढ दिसून आली. ही इतकी वाढ झाली की, दिल्लीत सोने 84 हजार रुपयांच्या जवळपास पोहोचले. तथापि, सकाळी देशाच्या वायदा बाजारातही सोन्याचा भाव विक्रमी उच्चांकावर पोहोचला होता. दुसरीकडे, परदेशी बाजारातही तेजीचा कल दिसून येत आहे.
देशाची राजधानी दिल्लीत सोन्याचा दर 83,750 रुपये प्रति 10 ग्रॅम या नवीन उच्चांकावर पोहोचला. ऑल इंडिया सराफा असोसिएशनच्या मते, बुधवारी सोन्याचा भाव 910 रुपयांनी वाढून 83,750 रुपये प्रति 10 ग्रॅम या नवीन विक्रमी पातळीवर पोहोचला. मागील व्यापार सत्रात, 99.9 टक्के शुद्धतेच्या 10 ग्रॅम सोन्याचा भाव 82,840 रुपयांवर बंद झाला होता. दोन दिवसांच्या घसरणीला मागे टाकत, बुधवारी 99.5 टक्के शुद्धता असलेल्या सोन्याचा भाव 910 रुपयांनी वाढून 83,350 रुपये प्रति 10 ग्रॅम या नवीन उच्चांकावर पोहोचला. मंगळवारी, सोन्याचा भाव प्रति 10 ग्रॅम 82,440 रुपयांवर बंद झाला. 1 जानेवारी रोजी सोन्याचा भाव 79,390 रुपये प्रति 10 ग्रॅमवरुन 4,360 रुपये किंवा 5.5 टक्क्यांनी वाढून 83,750 रुपये प्रति 10 ग्रॅम झाला होता. चांदीचा भाव 1,000 रुपयांनी वाढून 92,000 रुपये प्रति किलोवरुन 93,000 रुपये प्रति किलो झाला.
एमसीएक्सवरील फ्युचर्स ट्रेडिंगमध्ये, फेब्रुवारी डिलिव्हरीसाठी सोन्याचा भाव 228 रुपयांनी वाढून 80,517 रुपये प्रति 10 ग्रॅम या उच्चांकावर पोहोचला. याशिवाय, एप्रिल डिलिव्हरीचा करार बुधवारी पहिल्यांदाच 199 रुपये किंवा 0.2 टक्क्यांनी वाढून 81,098 रुपये प्रति 10 ग्रॅम या नवीन उच्चांकावर पोहोचला. मार्च डिलिव्हरीसाठी चांदीचा वायदा भाव 105 रुपयांनी किंवा 0.12 टक्क्यांनी वाढून 91,051 रुपये प्रति किलोवरुन 91,156 रुपये प्रति किलो झाला. जागतिक स्तरावर, कॉमेक्सवरील सोन्याचे वायदे प्रति औंस 2,794.70 डॉलर्सवर स्थिर होते. तथापि, आशियाई बाजारातील वेळेत कॉमेक्स चांदीचा वायदा $30.99 प्रति औंस झाला.
डॉलर निर्देशांकात घसरण आणि अमेरिकेतील ग्राहक डेटा प्रिंटमुळे एमसीएक्सवर सोन्याने विक्रमी उच्चांक गाठला. अ‍ॅक्सिस सिक्युरिटीजच्या कमोडिटीजच्या संशोधन विश्लेषक देव्या गगलानी यांनी सांगितले की, शेअर बाजारातील घसरणीनंतर गुंतवणूकदारांनी सुरक्षित क्षेत्रात गुंतवणूक केली. एचडीएफसी सिक्युरिटीजचे वरिष्ठ कमोडिटी विश्लेषक सौमिल गांधी यांनी सांगितले की, बुधवारी सोन्याच्या किमतीत वाढ होण्याचे मुख्य कारण राष्ट्राध्यक्ष डोनाल्ड ट्रम्प यांची अपेक्षित टॅरिफ योजना आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.