New Cars in 2023: पेट्रोलपासून ते ईव्हीपर्यंत... जाणून घ्या, वर्षभरात लाँच होणाऱ्या 'या' 6 कार्सचे फिचर्स, किंमत

New Cars in 2023: ऑटो जगतासाठी हे वर्ष खूप खास असणार आहे. या वर्षी अनेक मोठमोठ्या ऑटोमेकर्स कंपन्या त्यांच्या दमदार कार्स लॉन्च करणार आहेत. यामध्ये इलेक्ट्रिकपासून ते पेट्रोलपर्यंतच्या कारचा समावेश आहे.

त्यामुळे ज्यांनी यावर्षी कार घेण्याचा विचार केला आहे, त्यांच्याकडे अनेक पर्याय असतील, त्यांना फक्त त्यांच्या बजेटनुसार कार निवडावी लागेल. यावर्षी कोणत्या गाड्या येणार आहेत, त्याविषयी जाणून घेऊया.

Maruti Suzuki Fronx

भारतीय बाजारपेठेत, वाहन उत्पादक कंपनी मारुती सुझुकीने ऑटो एक्सपो 2023 मध्ये फ्रॉन्क्स सादर केली होती. कंपनी लवकरच या कारची किंमत जाहीर करणार आहे. हे मॉडेल 5 प्रकारांमध्ये येईल. सिग्मा, डेल्टा, डेल्टा+, झेटा आणि अल्फा. सिग्मा आणि डेल्टा 1.2L, 4-सिलेंडर नैसर्गिकरित्या एस्पिरेटेड पेट्रोल इंजिनसह येतात.

Zeta आणि Alpha मध्ये नवीन 1.0L, 3-सिलेंडर टर्बो बूस्टरजेट पेट्रोल मोटर आहे. डेल्टा+ दोन्ही पॉवरट्रेनसह सादर केले जाईल. ट्रान्समिशन पर्यायांमध्ये 5-स्पीड मॅन्युअल, एक AMT आणि 6-स्पीड स्वयंचलित युनिट आहे. यात 7.0-इंचाची टचस्क्रीन इन्फोटेनमेंट सिस्टम, व्हॉइस असिस्टंट, 6-स्पीकर ऑडिओ सिस्टम, इन्स्ट्रुमेंट क्लस्टर, स्टीयरिंग व्हील, हेड-अप डिस्प्ले इ.फिचर्स आहेत.

Maruti Suzuki Jimny 5 Door

अनेक वर्षांपासून लोक या गाडीची वाट पाहत आहेत. मारुतीने ऑटो एक्सपो 2023 मध्ये ती सादर केली होती. कंपनीने अद्याप किंमत जाहीर केलेली नाही. यात 5 ते 7 लोक बसू शकतात. उंची 1,730 मिमी आणि रुंदी 1,645 मिमी असू शकते. व्हीलबेस 2,550mm असू शकतो.

ग्राउंड क्लीयरन्स 210mm असेल आणि वजन सुमारे 1,190kg असेल, जे 3-दरवाज्याच्या आवृत्तीपेक्षा 100kg अधिक असेल. यात नवीन 9-इंचाची इन्फोटेनमेंट स्क्रीन देखील मिळू शकते. यात 1.5 लिटरची K15C मोटर दिली जाऊ शकते. त्याचे इंजिन 102hp पॉवर आणि 138Nm पीक टॉर्क जनरेट करते.

Nissan X-Trail

निसान कंपनीने त्यांच्या एक्स-ट्रेल या कारचे मॉडेल अलीकडेच सादर केले होते. Nissan X-Trail च्या टॉप ट्रिमला 12.3-इंच इन्फोटेनमेंट टच स्क्रीन, 12.3-इंचाचा डिजिटल ड्रायव्हर डिस्प्ले आणि 10.8-इंचाचा हेड-अप डिस्प्ले मिळू शकतो. या कारची किंमत सुमारे 40 लाख रुपये असू शकते.

MG Air Electric Car

टाटा टियागो ईव्ही ही अलीकडच्या काळात सर्वाधिक विकली जाणारी परवडणारी इलेक्ट्रिक कार आहे. या कारची स्पर्धा आगामी काळात एमजीच्या एअर इलेक्ट्रिक कारशी होईल. MG Air EV लहान कारच्या रूपात आणली जात आहे.

ही कार 2 सीट आणि 4 सीट पर्यायांसह येणार आहे. कंपनीने या कारची चाचणी देखील सुरू केली आहे. कारची लांबी 2,599 मिमी आणि रुंदी 1,505 मिमी आहे.

Citroen eC3 इलेक्ट्रिक हॅचबॅक

Citroën C3 आपली पहिली इलेक्ट्रिक कार भारतीय बाजारपेठेत आणण्यासाठी सज्ज आहे. कंपनीने या कारचे बुकिंगही सुरू केले आहे. 25 हजार रुपयांमध्ये ही कार बूक करता येऊ शकते.

Lexus RX Car

कंपनीने ही कार ऑटो एक्सपो 2023 मध्ये सादर केली होती. Lexus RX या वर्षी मार्चमध्ये लॉन्च केली जाऊ शकते. या कारची डिलिव्हरी एप्रिल 2023 पासून सुरू होऊ शकते.

वैशिष्ट्यांबद्दल बोलायचे झाले तर, या कारला फुल-बॉडी कलर ट्रीटमेंट, फ्रंट फेंडरवर एफ-स्पोर्ट आणि 60 मिमीचा वाढलेला व्हीलबेस, वायरलेस ऍपल कारप्ले, इंटेलिजेंट असिस्टंट, अॅडव्हान्स पार्क, हेड्स अप डिस्प्ले, पॅनोरॅमिक व्ह्यू मॉनिटर, डिजिटल रिअर व्ह्यू असे फीचर्स यात आहेत. मिरर आणि ट्रॅफिक जॅम असिस्ट सारखे फीचर्सही आहेत.